Friedländer, Ernst
Ostfriesisches Urkundenbuch (Band 2): 1471 - 1500 nebst Nachträgen und Anhang — Emden, 1881

Sheet: 712
DOI Page: Citation link: 
https://digi.ub.uni-heidelberg.de/diglit/drwOstfrUrkunde1881/0722
License: Public Domain Mark Use / Order
0.5
1 cm
facsimile
712 1909.

den synen darover gedan hedden, dat mochte me vor notwere rekenen; heft aver Hyszke unde
de syne na der tyd Kenen und den synen den schaden ghedan, alse syn claghe inneholt, un-
vorvolghet und unvorclaghed na rechte, so is id wedderwrake und nen notwere; und en heft
Hiszke dat nicht utghedreghen, alse recht is, und en heft he Kenen na der sone nicht entsecht
unde to den eren vorward, so schal he dorch recht de sonebrake und vredebrake vorboten unde
den schaden ghelden na rechte.

3. Uppe den anderen artickel, alse Kene schrifft, Enne van Norden hebbe eme afghe-
wunnen sin slot und stede to Lerlte an ener zekeren orveide boven loffte und ede etc., unde alse
Ennen antworde darenteghen inneholt, dat he der loffnisse und orveide nicht en bekenne; hirup
segghe wi vor recht: Kene mach Ennen des beth overtughen na rechte, den he eme des mit
syner unschult entghan moghe, unde is de sone edder orveide vor gherichte schein, so mach he
de tnghen mit deme richtere und mit twen schepenen; is id aver ane gerichte gheschein, so mot
he dat tughen zulf sovede vullenkomener lüde an ereme rechte; unde betughet Kene de sone und
orveide, alse vorscreven is, so schal Enne dorch recht eme dat hus wedder antworden, na dem
dat he bekand, dat he hebbe ghehulpen eme dat affghewunnen, und schal eme den schaden
ghelden na rechte; wenne alse Enne schrifft, Kene hebbe ene vordreven und eme syne slot aff-
gewunnen binnen magheschopp etc., dat scholde he dorch recht vorvolghed und vorclaghet hebben
und syk to den eren vorwart hebhen, eer den he Kenen jenighen schaden gedan hedde; wor
des nicht geschein is, dar mot he dat na rechte vorboten, alse vorgeroret is, umme der orveide
unde sone willen.

4. Item alse Kene claghet umme schaden, de synen godeshusen, kerken und hilligen
gheschen sy van Hiszken unde synen vrunden, dar Hiszke to antwordet, dat he van rechtes
weghene dar nicht schuldich to sy to antwerdende etc.; segghe wi vor recht: an wat kerken, der
Kene de lenware heft edder de em van kuntschop des landes edder van rechtes weghene bort
to vordegedingende, jenich schade ghesehen is van Hyszken edder den'synen, den schaden mach
Kene vordem und esschen to der kerken behöf; aver umme overvangh, smaheit und unhorsam
is Hyszke Kenen neues antwerdendes plichtich.

5. Item uppe ansprake unde claghe Hiszken provestes to Emede und uppe antwerde
Kenes van dem Broke: tora ersten alse he ene ansprikt, dat in deme jare unses Heren 1407,
ipso die Michahelis (29. September), he schal gerovet hebben dat kerspel to Yderhove in Over-
ledigher lande etc.; itein alse he ene ansprikt, dat in demezulven jare, alse in sunte Sebastianes
daghe (20. Januar), he lach vor der borch to Yderhove etc.; item uppe datsulve jar, dat he
scholde gherovet unde gebrand bebben Wolkmedehusen und Hallingmore etc.; item in deme
jare 1408, dat he schal gewunnen hebben Detherde etc.; item dat he deszulven jares schal ge-
stortet hebben to Nymramore twe borghe etc.; alse Kene to allen vorscreven artickelen mit eneme
antwerde antwordet, dat de vorsonet syn; spreke wi vor recht: kan Kene des vullenkomen und
de sone bewisen, also recht und alse hir vorgerort is uppe Kenen claghe und Ennen antworde,
so en is he dar vorder nichtes umme plichtich.

6. Item alse Hiszke claghet van schaden, de eme gheschen is van Kenen to Rawida, item
to Andorpe, item to Bokeraore, item to Volsneborch, item to Kollingehorst, item to Pophteshusen;
item in des bisschoppes frede van Munster, dat Fock Uken schal gerovet hebben 6 perde to
Bokemore; item int jar unses Heren 1409 uppe sunte Gregories dach (12. März), dat Focke

f
loading ...