Société de l'Histoire de l'Art Français [Hrsg.]: Bulletin de la Société de l'Histoire de l'Art Français (1924)

— 164 —

encores iceulx ouvraiges de menuyserie de lambruys et
compertimens pour lesd. chambres dud. chasteau faire
devises différends de ornemens et telz qu’il plaira a lad.
dame ou a Messire Philibert de Lorme, sgr. de S1 Ger-
main, conseiller aumosnier du Roy et son architecque, et
iceulx faire d’aussi grandes façons et de mesmes paintures,
doreures et argenteures, comme est ce qui en a ja esté
faict. Et pour faire tous iceulx ouvraiges de menuyserie
de lambruys paintz, dorez et argentez, comme dessus,
led. Francisque sera tenu fournir, quérir et livrer a ses
propres coustz et despens le boys de chesne bon, sec et
lea) marchand, que paintures, doreures et argenteures,
qu’il conviendra et sera besoing, dressez et attachez
comme il apartient sans ce que lad. dame luy soit tenue
fournir d’aucune chose fors seullement des ataches et
pattes de fer qu’il fauldra pour tenir lesd. ouvraiges et de
la voicture tant par eaue que par terre qu’il sera besoing
faire pour voicturer et mener lesd. ouvraiges de lambruys
de menuyserie depuis la maison dud. Francisque a Paris
jusques aud. lieu d’Annet, pour la conduitte desq. ou-
vraiges led. Francisque sera aussi tenu envoyer a ses des-
pens de ses gens pour prendre garde qu’ilz ne soient
gastez et debrisez. Sera aussi tenue lad. dame luy fournir
et faire faire a ses despens des eschaffaulx qui luy seront
de besoing pour poser sesd. ouvraiges quant ilz seront
aud. lieu d’Annet et pour les mectre en œuvre, lesquels
lad. dame pourra faire veoir et visiter par telles personnes
a ce cognoissans qu’elle vouldra commettre... Ceste pro-
messe et marché faictz moyennant et parmy le pris et
somme de six vingtz escuz d'or sol que pour chacune
travée de lad. menuyserie de lambruys faicte, paincte,
dorée, argentée, assemblée,... led. Francisque Scibec dit
luy en avoir esté promis payer par lad. dame grant se-
neschalle, au feur et ainsi qu’il fera lesd. ouvraiges de
menuyserie sur lesquelz il confesse avoir eu et receu de
lad. dame dès le quinzième jour de septembre dernier
passé par les mains de Me Simon Goille, trésorier de la
chambre des menuz plaisirs du Roy et secrétaire d’icelle
dame, la somme de unze cens trente cinq livres tournois,
de laquelle il s’en tient pour content et en quicte lad.