Heidelberger Volksblatt — 6.1873

Page: 400
DOI issue: DOI Page: Citation link: 
https://digi.ub.uni-heidelberg.de/diglit/hdvb1873/0088
License: Free access  - all rights reserved Use / Order
0.5
1 cm
facsimile
400

Die Nag glmaiern.

im Eismeer rumg'fahre un hott 's Deckbett runner-
g'ſchtramplt. Meintwege, denk ich, ich ſchteh nit noch-
emool uff un deck dich zu, alter Eisſimpl. Jch wär
awer g'ſcheider nochemool aus'm Bett un hätt'n g'ſchit-
tlt, Nagglmaiern. Jch bin nämlich e Weil druff grad
am Einduſſl, dhuts en Mordsſchlag in d'r Schtubb.
- Werr widder mit gleiche Fieß aus'm Bett ſchbringt,
war ich. No ja, denk ich - mir hawe widde emool
e Erdbeewe - 's Haus fallt zamme. Wie ich recht
guck, ſchteht mein Mann in d'r Mitte Schtubb, un 's
Nachtdiſchl liggt in dauſend Schticker imme Eck. - Ei
Seppl, ruf ich, biſcht de dann heit Nacht rein 's Deifls!
Was hoſcht dann vor? - Was ich vor hab, kreiſcht'r,
noch immer nit bei ſich - nein muß'r, nein muß'r!
- Wer dann, Seppl? - Der Eisſchiwl, ſegt'r, d'r
Keller muß voll ſein! - Wie g'fallt'r die Jagd, Naggl-
maiern? Schteht der Narr im Schlof uff, packt mein
Nachtdiſch for'n Eisſchiwl an, un meent, er ſchmeißt'n
in's Kellerloch! Heit Nacht muß ich'n mit'm eene
Fuß an en Bettſcholle anbinne, ſunſcht gibts noch e
Unglick. Adies. Dank Se Gott, daß Se ke Bierbrauer
hott, Nagglmaiern!
E anner Bild, Leitcher, iwer dem eem aach d'r
Verſchtand im Herrnſchädl eing'friere kann, wann ma's
im 19. Johrhunnert bedracht! D'r heilige Vatter flucht
nämlich widder emool em Deiwl e Ohr weg! Daß der
alte Mann nix mehr G'ſcheiders zu dhun weeß, als
die Welt zu verwinſche! D'r Schtadthalter Kriſchti!
Hott unſer Jeſus Kriſchtus ſein Lebbdag Eem, der nit
nooch ſeiner Faſſon hott ſeelig werre wolle, en
Fluch in's Kreiz g'ſchmiſſe? Mir wenigſchtens unbe-
kannt aus d'r Lehr Kriſchti. D'r heilige Vatter hern-
gege! Sein Schtellvertretter! Hexeſchuß uff Hexeſchuß!
's Pulver geht'm gar nit aus. En fortwährender
Schweffldunſcht, der aus'm Vatikan ſchteigt! - Unſern
liewe Herrgott ſcheine iwerigens die wieſchte Religion's-
händl, mit denne ſich die Menſche do hunne uff dem
Erdkiggele 's Leewe enanner ſauer zu mache ſuche, gar
nit zu riehre! Es g'ſchehe wenigſchtens ke Zeiche un
Wunner am Himmel, die uns vum Kontrolleer iwer-
zeige. Die Sunn geht uff un unner, wie vorher. D'r
Mond loßt ſich de Hof mache, wie immer, wann's
dunkl werd. Un die Schtern am Himmel gehn aach
nit aus. Sie brenne fort mit'm ewige Licht d'r Welt!
Je dunkler do hunne, je heller do drowe. Do owe
bleibt alles im alte Geleis, ſo viel do hunne aach g'flucht
un unſer Herrgott angerufe werd, er meegt doch wid-
der emool uff die verdorwe Menſchheit Feier un Schweffl
reegne loſſe, wie in Sodom un Gomoora. - Alſo for
was de Lärme? For was Bannſchtrahl un Blitz! For
was im Name Gottes Haß un Verachtung unner d'r
Menſchheit breddige, der vun unſere Religionshändl nix
wiſſe will? For was per Exempl die Altkatholiſche, die
nit an die menſchlich Unfehlbarkeit glaawe wolle, gleich
mit Schtumpe un Schtiehl ausrotte wolle? For was
deß Alles? Deß meecht ich wiſſe! Jn allem Jwrige
dreht ſich die Weltkuggl doch. Un deß bleibt die
Hauptſach!

Gott ſei
Dank, daß die
Witterung
umgeſchlage
is. Daß mer
Ausſicht uff
Eis hawe. 's
is mer norr,
daß unſer
Bierbraner
nit iwer-
ſchnappe. Es
war die vorig
Woch nooh
dran. Unſer
Bierbrauer
un Werrth
ſinn alle Oo-
wend unner
d'r Hausdhier
g'ſchtanne un
hawe de Him-
ml bedracht.
Ke Schtern,
der leicht, ke
Mond ohne
Hof, ke Aus-
ſicht uff Eis! - Wann die Witterung nit ball um-
ſchlägt, hott die vorig Woch e Werrthsfraa uff'm Mark
zu mer g'ſagt, werd mein Mann noch en Narr! Die
Arweit ſolle Se ſehe, die der Mann aweil im Bett
ſchafft, Nagglmaiern. Die een Nacht draamt'r vun d'r
Schweiz, die anner vun Norrwege, die dritt laaftr'r in
Greenland unner de Lappländer rum, un ſo weiter.
Heit Nacht ſchittlt'r mich. Kalline, ſegt'r im Schloof-
daaml, er is voll! - Was? ſag ich - aach noch
nit ganz bei'mer - ſchunn widder? Den Lumpebu
muß e Gewitter verzehre. - Jch uff, Nagglmaiern,
mit gleiche Fieß aus'm Bett, un in die anner Schtubb
g'feiert, wo mein Jakob liggt. Der awer ſchlooft ge-
miethlich un riehrt ſich nit. Mit drei Sätz bin ich
widder an meim Mann ſeim Bett un ſag: Der Bu
ſchlooft jo wie e Raatz. Wer is dann voll? - Mein
Eiskeller, fangt'r jetzt an. Gott ſei Dank! Endlich!
Jetzt kenne mer Bier mache. Jakob, mach 's Kielſchiff
ſauwer! - Leeg dich rum, alti Hoppedrudl, ſag ich
jetzt ärgerlich. Jm Bett hockſcht, awer nit uff Schbitz-
berge. Hoſcht widder emool Eisſchiwl im Kopp? -
Endlich kummt'r zu ſich un bedracht ſich die Schtubb
beim Nachtlicht. Jetzt hott'r mich awer beinoh ge-
dauert. Deß G'ſicht hätte Se ſehe miſſe, Nagglmaiern,
wie ſein Eis widder zu Waſſer worre is. Wer an-
fangt zu heile, war mein Mann! - Seppl, ſag ich,
ich bitt dich um Gott'swille, heil mer de Kopp nit
voll. Unſer Herrgott werd noch e Einſehe mit eich
hawe. Sei mer ſchtill! Jwer Nacht kann d'r Necker
zugehn. - Noochere Weil leegt'r fich rum un ſchlooft
widder ein. E halb Schtund druff iſſ'r ſchunn widder

Druck und Verlag von G. Geiſendörfer.
loading ...