Heidelberger Volksblatt (6) (1873)

D'r Nagglmaier.
Verzeh Dag vor Weih⸗ ö ö
nachte! Mutter un Doch-
ter ſchtecke die Kepp zam-
me. Ma heert ke laut
Wort mehr. D'r Vatter
werd norr noch vun d'r
Seit ang'ſehe! Ob'r nix
merkt! Ob'r ke piffig
G'ſicht macht zu d'r Ge-
heimnißdhuerei! Un an-
kloppe muß'r jetzt, wie'n
fremder B'ſuch, wann'r
vun ung'fähr in die
Schtubb kummt. Neilich
haw ich's vergeſſe! No,
den Schrecke hott ma ſehe
miſſe, der de „Kriſchtkinnl-
cher for de Vatter“ in die
Noodl g'fahre is. Die
een hott ſich in d'r Al-
teration in de Finger
g'ſchtoche un ſo ſchnell
wie meeglich de Schorz
iwer die zukinftig B'ſchee-
rung gedeckt. — Die anner h
ſe uff'm Schtramin hott, unner de Diſch g'ſchmiſſe,
awer ſo unglicklich, daß mein Karo, der hinnerm Offe
gelege, darnooch ſchbringt, un 's Weihnachtsgeheimniß
ſeim Herr abordire will! E ſchbitz Abſätzi macht'm
awer noch zur rechte Zeit begreiflich, daß'r ſich um ke
ungelegte Eier zu bekimmere hott. — Die Dritt, mein
Fraa — d'r Guckuck weeß, was ſe deß Johr uff Weih-
nachte for mich zammeknoddlt — knooſcht eewefalls ſo
ſchnell wie meeglich was uff'm Schoos zamme, bringt
awer derart in d'r Iwerraſchung de Ellebooge mit'm
Diſcheck in Beriehrung, daß ſeuen Fluch ausſchtooßt,
der em heilige Vatter in Room Ehr gemacht hätt! —
Seitdem is die Dhier gerigglt, wann ich kumm. —
Wer is draus? — D'r Vatter! — Gleich! — Jetzt
geht's Gerumpl, 's Schtuhlricke un 's Dhierbatſche
drinn an. Endlich uff. Do ſitze ſe dann widder bei-
ſamme. E Jedi hott e Schtrickzeig in d'r Hand un
dhut als wär ſie's ganz gewiß nit geweßt, die heit
frieh, wie d'r Vatter noch g'ſchloofe hinner ſeim Geld-
beitl im Hoſſeſack war, der gewehnlich's Bedriebskapi-
tal liffere muß, wann die Weihnachte gut ausfalle
ſoll! — Ja, ich merks an meim kleene Geld, daß mer
norr noch verzehn Dag bis Weihnachte hawe. Ke
wilder Dhalerſchein, ke verlorener Hollänner, ke eeſchtrei-
cher Sechſer is mehr vor meiner Fraa ſicher. Weh
dem Familievatter, der jetzt de Schliſſl am Schreibpult
ſchtecke loßt! Er kann s Wechslfiewer driwer kriche.
—. Es gibt iwerigens Weiwer, die ſich de Deifl um en
G'ſchäftswechsl kimmere, wann ſe emool 's Kriſcht-
kinnl im Kopp hawe. — Was Wechsl! ſegt neilich
eeni zu ihrn Mann, der ſe uff ſo e uneingeleest ſchmaal
Babierche uffmerkſam gemacht, wie ſe de dritte Weih-

„ „
die Schtickerei, die

nachtsangriff uff die groß Familiekaſſ brojektirt. Was
Wechsl! Wechsl hawe mer 's ganz Johr zu bezahle!
Weihnachte is awer norr eenmool im Johr. Nemmee
paar hunnert Gulde uff's Heisl uff! — Alſo 's Kriſcht-
kinnl im Grundbuch! Die neiſcht Weihnachtsidee! Un
doch is mer e Kriſchtkinnl im Grundbuch noch immer
liewer, als eens, deß in's Ladebuch g'ſchriewe werd.
Es gibt Kriſchtkinnlcher vun vorm Johr, die heit noch
im Ladebuch ſchtehn! Es is noch nit lang, daß mer
ſo'n Ladehieter ſein Noth geklagt. — Sehn Se, ſegt'r,
jetzt geht's widder uff Weihnachte! Sie meene viel-
leicht Wunner, wieviel Haaſe mer in die Kich laafe,
wann Se mein Laade voll Leit ſchtehn ſehe. Ich hab
mer heit e nei Buch beim Buchbinder b'ſchtellt. Ich
weeß, wie's geht! Alſo ſchicke Se mer's, heeßt's ge-
wehnlich, wann d'r Handl aus is, un leege Se mer
gleich die Rechnung dazu! — Ja, gleich die Rechnung
dazu, deß is die recht Heh! Ich kenn mein Leit! Je
ſchneller Eener die Rechnung will, je langſamer be-
zahlt'r ſe. Ich ſag Ihne, dem, der die Bicher erfunne,
g'heert jed Kriſchtkinnl, deß nit baar bezahlt werd,
mit'm Schtahlſchtichl in de Buckl grawirt! — Ja, die
Kriſchtkinnlcher! Was werre mir widder kriche for unſer
Geld, Männer! Was hawe Fraa un Dechter widder
rausbuchſchtawirt! Ich werr halt widder emool en bloo-
ſeidene Geldbeitl vun eener b'ſcheert kriche. Ich hab jetzt
nit mehr wie nein Schtick in alle Farwe un Perle bei-
ſamme. Wann ich ſe all neewernanner leeg, is en Ree-
gebooge am Himmle alt Hauweband dagege. E halb
Dutzend Wandkerb, Uhredäſchlcher, Dintewiſcher, Brief-
b'ſchweerer, Briefdaſche, Sigaaretwi, Feierbichslcheri
u. ſ. w. haw ich aach ſchunn beiſamme. — So hott mer
aach emool eeni vun meine Dechter en Offeeſcherm
g'ſchtick. — Kind, ſegt mein Fraa am zwetie Weih-
nachtsdag, drag'n uff de Schbeicher. 's wär ſchad,
wann en Kohleſchbritzer drankämt. — Uff'm Schbeicher
ſchteht'r heit noch. — Deß indreſſanſcht Kriſchtkinnl,
deß ich emool vun meiner Fraa kricht, war iwerigens
e ſogenannti Schlummerroll. Die Schlummerroll is
mer awer ſchunn am dritte Schlummerdag ſo unbe-
queem worre, daß ich Kreizweh kricht, un meiner Schäckl
e heemlich Vergniege mit gemacht, die mit ihre jingſchte
ſechs Unerzogene heit noch druff rumborzlt! Notabeene
wann mein Fraa nit daheem is. — Wags ich iwerigens
deß Johr for Fraa un Kinner unner de Weihnachts-
baam leege ſoll, weeß ich aach noch nit, Männer! Was
gew ich meiner Fraa? Soll ich'r e paar neie Schtadt-
räth in Bißgewitt backe loſſe? Sie beißt ſich doch gern
's ganz Johr mit'n rum. — For mein Dechterle haw
ich en Seelewärmer uff Weihnachte im Peddo. Sie

hott ſich's Herz verkält! 23½ Johr un noch ke Mann

— Mein Buwe? No, ich werr for jeden was finne,
wann ich in de Sack ſchteig. Do haw ich per Exempl
een, der nit gern lernt un nit gern Soldat werre will.
Ich werrem en Nernberger Drechter b'ſcheere, mit
dem'm emool ſein Exaame als eenjährig Freiwilliger an
d'r dickſchte Bierooder beizubringe is, daß'r ball vun
d'r Bicklhaub kummt! Norr braktiſch!

Druck und Verlag von G. Geiſendörfer.