Jahrbücher für Kunstwissenschaft (2.1869)

Heinrich Kiipferwurm, Formsclmeider.
Schreiben des Raths von Basel an Kaiser Maximilian, zu Gunsten des Basler Bürgers
Heinrich Kupferwurm, welcher als Formschneider bei der Verfertigung der Schreuf-
felin’schen Holzschnitte zum Teurdanck mitwirkte, aber die vollständige Auszahlung
seines Lohnes nicht erlangen konnte.
Baseler Rathsarchiv. Missiven 1513—19. fol. 214.
Mitgetheilt von Ed. His-Heusler.
Key Mt.
Allerdurchluchtigister etc. Als eur Key. Mt. EinWerck mitt figurenn,
ein Cronik vsszefürenn, verordnet! vnnd bevolhenn, dartzudann Heinrich
Kupherwurm vnnsser burger, als ein Formschnyder, durch Ewren K. Mt.
verordnettenn verdingt vnnd bestelt, vnnd sollichs ganntz guttwillennck-
lich angenomen. by demselben verding vnnd bestellung (als wir vonn Im
bericht werdenn.) Ime noch vff die xxij guld vsstan solle, die Er dann
durch doctor JohannsennSpysser Pfarrherrn zu Sännt Merrtzenn zu Ougs-
purg, als sin on,*) woll wellenndenn vnnd günstigen, an den Bropst vonn
Nüremberg, Nämlich den Pfingsing Ervordernn lassenn, derselb Inn vff
ew. Key. Mt. gewisenn hab, das vnnserm armen Burger beswerlich vnnd
sollichem nachtzekommen Ettwas vnmöglich sin will, Vnns an ew. Key.Mt.
ze suplicieren vnnd fürschrifft zegebenn angerüfft Harumb ist an Key. Mt.
als vnnsern allergnedigisten Hrn vnnser allerdemütigist bitt Sy wolle mit
denyhennen, So dann yetz Sollich löblich werck, obangereckt zu Enndt-
fürunng Inn bevelch Haben, verfügenn vnd Schaffenn, damitt vnnserm
armen Burger sin verdienter Eidlonn betzalt, vnnd dasselb gelt obge-
melttem Pfarrhern zv Sännt Merrtzen vberantwurt wert, Sodann ew Key.
Mt. des gedachten vnnsers Burgers zu disen, oder anndern werckcnn be-
ruffen, ward Er sich gehorsamlich ertzeigenn vnnd woll sich ew. Key. Mt.
die der allmechttig gott In key. hohenn Erenn Sellenncklich zeenthaltenn
geruch Inn dem gnedenncklich bewysen das wollen wir demüttenncklichest
zeverdienen, vnvergessen haben datum Fritag vor assumptio a°xvij.
W. Zeigler.

') wahrscheinlich Oheim.