Heidelberger Volksblatt — 1.1868

Page: 124
DOI issue: DOI Page: Citation link: 
https://digi.ub.uni-heidelberg.de/diglit/hdvb1868/0128
License: Public Domain Mark Use / Order
0.5
1 cm
facsimile
124

Do bringe Se mer in Gottes Jeſſes Naame e Seidl
Schloßbier for 6 Kreizer. - Broßt die Mahtzeit,
Männer! Wann ich mer mein Bier nit ſelwer g'holt
hätt, hätt ich heit noch keens. E Gewitter uff'n
Herrſch! For 6 Kreizer dirft ma's gebrocht kriche
un kennt mehr Bedienung an ſo'eme Dag de Gäſcht
zur Dispoſizion ſchtelle, denk ich. E kleen bisl beſ-
ſer hätt's aach ſein dirfe! - Jch hab noch nit recht
mein Glas ausgedrunke, kummt'n Haus knecht, langt
mit de "Finger" in mein Glas, un will's fortdrage.
- Sie Dappſchädel, ſag ich, ſinn Se ſcheel? Sehe
Se nit, daß ich noch dafor ſiz? - Uff deß verdreht
der Damian die Aage, ſchtellt mein Glas widder uff
de Diſch, un ich hab wahrſcheinlich jetzt mein Reſcht
draus ausdrinke ſolle, noochdem'r ſein Finger am Glasrand
abgebutzt hott. - Die Johannisberger Kapell ſoll ſehr
ſcheen g'ſchbielt hawe, haw ich mer vun Leit ſage loſſe,
die zufellig en Diſch am Muſiktemplche verwiſcht hawe
- ich ſelwer hab awer nix for mei 9 Kreizer davun
g'heert. E Orcheſter, des ſoviel Schtreichinſchtrumente
wie die Elwerfelder Kapell mit ſich fiehrt, mag ſich
iweral gut broduziere, nor nit in de Heidlberger Schloß-
werrthſchaft mitzihrm Muſikkaſchte! Wann mer
deß Ding ſo bedracht, un ſieht die Muſiker drinn ihr
Handbewegunge an ihre Jnſchtrumente mache, ſo meent
mar, deß mißt e g'ſchloſſeni G'ſellſchaft ſein, die for ſich
e Kunzert gibt. Sehe kann mer die Muſtk, awer
heere dhut mer gewiß nix vun ſo'me Schloßkunzert,
wann deß Orcheſter nit grad aus lauter Drumbeeter
zammg'ſetzt is, mit dene mar Schtadtmauere umblooſe
kann. Dem Erfinner un Erbauer vun dem Muſik-
templche g'heert unbedingt die ledder Verdinſchtmedallie
for Kunſcht, Wiſſenſchaft un Hartheerigkeit an's Knopp-
loch g'henkt. - E weiteri außerorndlichi Annehmlich-
keit uff unſerer Schloßwerrthſchaft is unſchtreitig der
gemeinſchaftliche Eingang nur for Herre un
Daame zum geheime Schtaatskabinett Nummero 0!
For Daame außerorndlich einladend! - Es geht ewe
nix iwer unſer Schloßwerrthſchaft un nix iwer ihr
Schbeißkaart! 's is keen Wunner, daß es ſo viel
Breißefeind gibt! Die Schbeißkaartbreiſe uff'm
Schloß meege viel dazu beigetrage hawe. Un do ſoll
ma gemithlich zu Nacht eſſe! Do haw ich am Sunn-
dag de Dokter Gemiethlich ſchbiele ſolle! Merſie! Vun
heit an bin ich d'r Weffzemaier - d'r Heidlberger Weffze-
maier, der kinftig iwerall, wo er's for neethig find, uff
unſer Heidlberger faule Handkäs ſchtichle werd!
Den Dokter Gemiethlich, den henk ich an Nagg'l,
Un ſchreib mei Rezept nit Brenneſſl un Stach'

ſich heitzudag nix mehr kuriere. Schtichle muß ma,
ihr Männer - gleich ſchtichle uff die Handkäs. D'r
gemiethliche Hannebambes war ſein Lebdag immer 's
finfte Rad am Waage. Gemiethlich unner ſich - ge-
miethlich uff'm ſchwarz ledderne Kanebee in d'r "Geig"
bei'eme Fläſchl gute Affedhaler beiſamme ſitze, - odder
gemiethlich im "Mohre" bei'me Kawelfrihſtick - deß
loſſ ich mer g'falle! Awer gemiethlich ſein im effent-
liche Leewe - gemiethlich per Exempl gegewärtig in
d'r Heidlberger Schloßwerrthſchaft ſitze zu wolle - is
rein unmeeglich! De deitlichſchte Beweis davun haw
ich wenigſchtens erſcht widder am Sunndag g'hatt. For
9 Kreizer Entree hätt ich erwarte kenne, mich dodrowe
uff e paar Schtund gemiethlich zu amiſſiere. Awer
d'r Menſch de.kt, un unſer Schloßwerrth lenkt! Awer
nit Alles zum Beſchte! - Alſo die Johannisberger Ka-
pell aus Elwerfeld, vun der de ſchun ſo viel in de
Blätter geleſe, muſcht de aach emool heere, denk ich
am Sunndagmittag. Schbaarſcht en Groſche. Dann
de Montag koſcht's gar drei Baze Entree! Jch leg
mich alſo in's G'ſcheer un geh de Schloßberg nuff.
Gege 9 Kreizer derf ich eindreete un krich en grine
Brogramm in die Hand gedrickt. Grin is die Hoff-
nung, denk ich, alſo e gut Vorzeiche! Noocheme ſehr
ungemiethliche annerthalbſchtindige Schbaziergang um
die b'ſetzte Diſch un Schtiehl verwiſch ich endlich noch
e Blätzl in d'r Sunn gleich neewe d'r Kich. Deß franz-
leinene Dach, deß gewehnlich dort runnergeloßt werd,
ſo lang ma in d'r Hiz broode muß, is, wenigſchtens
ſo lang ich dort die Ehr g'hatt hab for 9 Kreizer
Entree ſitze zu dirfe, hartnäckig uffgezoge gebliwe. Wa-
rum? Deß meege die ſchternerne Ritter im Schloßhof
wiſſe! Wann die Sunn gege 5 Uhr nit ſo freindlich
geweßt wär, ſich hinnerm g'ſchbrengte Thurm vor mer
zu verſchteckle, wär ich als Mohr widder drunne in
Heidlberg ankumme. - D'r Menſch lebt nit alleen vun
d'r Muſik, denk ich, ſondern aach als emool vum Kaffee.
Alſo - Kellner, ruf ich - e Taß Kaffee! - Gleich
- ſegt'r. - Noochere vertel Schtund ruf ich widder:
Kellner, bringe Se mer doch e Taß Kaffee! - Gleich
- ſegt'r. - Noochere weitere vertl Schtund in d'r
Sunn ruf ich zum dritemool: Kellner - zum Deiwl,
bringe Se mer jetzt emool e Taß Kaffee! - Gleich -
ſeegt'r. So bin ich wenigſchtens e halb Duzend mool
mit'ere Porzion Gleich abg'ſchbeißt worre. Billig
war's, awer ich hab nix dabei in de Maage kricht. -
Endlich erſcheint d'r Herr Kellner bei'mer un bringt
ma - die Noochricht: ich mißt mich halt noch e bisl
gedulde - d'r Zucker wär ausgange! - So?
ſag ich - aach nit iwl! Wo is'r dann hingange, eier
Zucker? Macht'r vielleicht en Eſlsritt uff die Molke-
kur, eier Zucker? He? Habt'r nit voraus ſehe kenne,
daß'der heit e paar Pund Zucker mehr wie gewehnlich
braucht? Jhr loßt de Zucker ausgehn, un kennt die
Buchſchtaawe nit groß genug finne, mit dene'der eier
großes Kunzert iwerral an de Ecke in Heidlberg un
Mannem anzeigt? Wie reimt ſich deß zuſamme? -

Druck und Verlag von G. Geiſendörfer.
loading ...