Heidelberger Volksblatt — 1.1868

Page: 156
DOI issue: DOI Page: Citation link: 
https://digi.ub.uni-heidelberg.de/diglit/hdvb1868/0160
License: Public Domain Mark Use / Order
0.5
1 cm
facsimile
156

Die Deitzin un die Kannegießern.

Kannegießern: Loß Se mich gehn, Deitzin
- ich will vun ihrm Brunnekapittl kee Wort mehr
heere. D'r Zorn un d'r Aerger, den ich am Samsdag
bei Jhrer Fortſetzung iwer die moderne Waſſerſchteen-
mammſelle g'ſchluckt hab, drickt ma heit noch de Hals
zu. Loß Se mich am Rock gehn - ich muß heem -
mein Fleeſch kocht.
Deitzin: Do bleibt Se, Kannegießern. Wer
A g'ſagt hott, muß aach B ſage. Jch mach's korz.
Norr kalt Blut, Kannegießern. Alles muß ma heere
kenne.

Wann mir mein Madam e Wort gibt, deß mer nit
ganz glatt ſitzt, do loß ich'r ihr Kind e halb Schtund
dafor kreiſche.
Greethl: Was meent'r, ihr Meedle, was nei-
lich mein Madam vun mer verlangt hott? Jch ſoll
die Kindsweſch weſche un biggle! So e Zumuthung!
Wie g'fallts eich? Jch hab mer awer die G'ſchicht
vum Hals g'ſchafft. Wißt'r wie? So oft mein Ma-
dam in die Kindsſchtubb kumme is, un hott mich
zu d'r Weſch gerufe, haw ich ihr Kleens e bisl ge-
petzt, daß es Mordzeeterio gekriſche hott. - Sehn
Se, Madam, haw ich dann g'ſagt, ſo kreiſcht deß
Kind de ganze Dag. Do kummt ma an kee Weſch.
Deß Englche dhät ſich zu dod kreiſche, wann ich aus
d'r Schtubb gingt. - No, hott ſe dann gewehnlich
g'ſagt, do ſoll in's Gottsnaame die Hausmaad an
die Kindsweſch gehn. B'ſorg Se mer norr mein Kind.
Sophie: Jetzt was mich bedrifft, ihr Meedle,
ich geh zu gar keen ganz kleene Kinner. Jch will
mein Nachtruh hawe. Jch geh norr zu Kinner, die
ſchun ans'm Grebbſchte haus ſinn. Hernoochder will
ich mer ſe ſchun nooch meiner Faſſoon ziechge. Nit
muckſe derf ſich eens. Ma derf ſe norr immer recht
ferchterlich mache, noot kann ma mit'n machen,
was ma will.
Greethl: Wege meiner Nachtruh is mer's
nit bang. Ma derf ſich norr zu helfe wiſſe. Jch
halt mer 's ganz Johr e Mohnſäfftele, un deß
kricht meiner Madam ihr Englche alle Oowend ein,
un do ſchloofts wie'n Sack die ganz Nacht.
Sophie: Awer Greethl! Deß ſoll jo ſchädlich
ſein!
Greethl: Was liegt mir dran! Sinn's dann
mein Kinner? Wann ich emool Madam werr, un
ich hab Kinner, verdrau ich ſe keener fremde Maad.
an. Nit um e Million kämt mer ſo e Schbitzbiewin
in's Haus.
Deitzin: Un ſo weiter, un ſo weiter, Kanne-
gießern! Hott Se jetzt genug? Weeß Se jetzt, wie's
hergeht, wann ma de Kindsmeedle die Kinner iwerloßt?
Wana ſich e Madam norr um de Schtaat un ihr Bri-
vatvergniege bekimmert? Weeß es jetzt
Kannegießern: Jch weeß genug, Deitzin. Jch
werr mer alles merke. 's ſoll ſich's norr e jedi Mut-
ter ſo merke; Deitzin, ich bin vun mer! Jch meen
zehne hätte mich an alle Hoor.
Deitzin: Mir is aach d'r Verſchtand ſchtill
g'ſchtanne. Jch hab gemeent, ich mißt een um die an-
ner vun den ſauwere Mammſelle am Kopp kriche un in
de Necker ſchmeiße. Soll mich Gott bewahre vor ſo'ere
Klapperſchlang, die mit mer an eem Diſch ſitzt. Soll
mich unſer Herrgott behiete vor ſo'ere ourchdriwene
Heemdickern, der ich mein Kinner anverdraue ſoll.
Meini ſinn Gottlob groß. Awer weh der Mutter, die's
Glick hott, eeni vun denne Freile Guwernannte in's
Haus zu kriche.
Jhr arme Kinner, wer gibt uff eich acht,
Wann eich nit en Engl im Himml bewacht!
Jhr Mitter, nemmt deß Kapittl zu Sinn,
Es ltegt en bitterer Ernſcht vor eich drinn.

Kannegießern: Awer alles ſoll ma nit ſage,
Deitzin. Es gibt G'ſchichte in d'r Welt, die ma, wann
ſe eem emool baſſirt ſinn, beſſer nit an die groß Ge-
richtsglock henkt, un wann ſechs Luidoor driwer perdi
gange ſinn. Dann wer de Schaade hott, braucht for
de Schbott nit zu ſorge.
Deitzin: Kann Se Recht hawe, Kannegießern,
awer de Schluß vun meim Brunnekapittl derf Se heere.
Jch verzähl'r kee Sechsluidoorg'ſchicht. - Deß zwett
Klettblättche, die Orſchl, die Nanne un die Bawett,
ware alſo kaum vum Brunne weg, do is ſchun widder
e Dritt's beiſammeg'ſchtanne. Awer deßmool war's
vierblätterig. Es war die Katt'l, die Therees, die
Greethl un die Sophie. Vier Kinds meedle, Kanne-
gießern. Baß Se uff.
Kattl: Habt'r deß Gelawatſch g'heert, ihr
Meedle, deß die drei, die mit ihre Kiwl dohin gehn,
gemacht hawe. Hott ma nit gemeent, die wäre alleen
uff d'r Gaß?
Theeres: Mein, was willſcht dann vun ſo
Leit mehr verlange. Wo ſolle ſe dann die Bil-
dung her hawe? Aus d'r Kich? Vum Heerd? Mit
uns Kindsmeedle is deß freilich was ganz annerſchts.
Mir gehn ſchun mehr in's Bonne- un Guwernante-
fach iwer.
Sophie: Mir loſſe uns awer aach nix g'falle.

Druck und Berlag von G. Geiſendörfer.
loading ...