Heidelberger Volksblatt (7) (1874)

92

D'r Nagglmaier.

Es is zwar ke Unglick,
awer 's ärgert eem doch
— wann eem folgend Eiſe-
bahnmaleer zwiſche die
Deckbettzippl kummt.
Kricht eener die vorig Woch
e Vorladung an's Gericht
zu Darmſchtadt. Er ſoll
Punkt acht Uhr Morgens
erſcheine, alſo miteme Zug
gehn, der noch im Heidl-
berger Dunkl hier abgeht.
Um awer jo de Termin
in Darmſchtadt nit zu ver-
ſeime, loßt'r ſich ſchunn
morgens am halwer Drei
vun ſeiner FraEa wecke.
Er ſchteht alſo uff mit'm
halwer ausg'ſchloofene
Kopp, macht unner dau-
ſend Flich uff die Darm-
ſchtädter Vorladung bei;
Licht Toallett, loßt ſich vun
ſeiner Fraa noch en herz— — —..
ſchtärkende griene Thee uff die Rees koche, un is dann
ſo gege viere Morgens mit e paar Butterbreedcher im
Leib ſo weit zum Angriff uff de Bahnhof, mit d'r La-
tern in d'r Hand, bereit! SonUe Handlatern is natier-
lich ke Gasbeleichtung! Er ſchtolpert alſo hie un do
emool iwer e Hausdrepp, dappt aah als emool in e
Reegepitſch, un kummt endlich innere bitterbeeſe Darm-
ſchtädter Reeslaune am Bahnhof an. Noochdem'r dort
e halb Schtund uff un abgange un ſich alsemool, wie
eener, dem's nit ganz behaglich is, ſchittlt, Kgeht d'r Bill-
jettſchalter uff. Gott ſei Dank, denkt'r. So weit wär's
iwerſchtanne. Jetzt werd ſich langewegs ine Zwett-
klaſſkuppon gelegt, un 's unnerbrochene Schlääfl bis
Darmſchtadt fortg'ſetzt. — Er ziehgt de Geldbeitl, leest
e Billjett, ſchteigt ein, un d'r Zug geht ab. — No, wo
gehn Sie dann ſchunn ſo frieh hin? froogt'n e Reis-
kolleeg der mit'm eing'ſchtigge. — Mein, frooge Se
mich nit, ſegt'r ärgerlich. Unaͤngenehmi G'ſchicht! Soll
do ſchunn am achte vor'm Gericht zu Darmſchtadt als
Zeige erſcheine Kenne ſich denke, wie mer's drum is!
Am halwer drei ſchunn uffg'ſchtanne. En Kopp wie e
Miehlraad! Un ſehn Se emool, wie ich ausſeh. Ver-
ſchbritzt bis an de erſchte Weſteknopp! E Krenk ſoll
der Weg an de Bahnhof kriche. Wann Se mer iwe-
rigens en G'falle dhun wolle, mache Se's wie ich.
Leege Se ſich um. Mir wolle mitnanner e Duett
ſchmorchle. Es is mer nit um's redde. — Seegt's,

un um! — Endlich! Darmſchtadt ausſchteige, ruft d'r

Kundukteer. — Verſchloofe, mied un ſchteif wie'n Drot-

ſchkegaul, krawlt unſer Vorgeladener aus'm Eiſebahn-

ſkuppon. Noch e Taſſ warme Kaffe mit e paar Wichl,

un zum Zuſchbitze gege die unbehaglich feicht Witte-
terung e Gläsl Likeer uff de Schtrumb, un d'r Ge-
richtsgang werd angedreete. Es ſchlägt grad acht
Uhr, wie'r ins Darmſchtädter Amthaus kummt. Noch
alles meislſchtill. drinn. Awer d'r Gerichtsdiener is
ſchunn do un nimmt'm die Vorladung ab. — Soodele,
ſegt'r, ſetze Se ſich eweil in's Zeigezimmer. Ich meld
Ihne gleich, wann die Herrn kumme. — Noochere
Weil kummt d'r Gerichtsdiener awer widder, gibt'm
die Vorladung retur un ſegt: Ei Sie ſinn jo erſcht
uff de Eenezwanziſchte vorgelade! Un heit hawe mer
doch erſcht de Elfte! — Was? ſegt unſer Turiſcht,
un ſetzt de Zwikker uff. Meiner Seel! Haw ich den
erſchte krumme Eenzer an dem ſchternſakermentſe Elfter
for'n Zwetter bedracht! No, do ſchlag awer e Raad
nein. Am halwer drei uffg'ſchtanne, drei Butterbrood,
drei Taſſe Thee, e großi Schiſſl voll Kaffee un e Gläsl
Likeer im Leib, un zehn Dag zu frieh abgereest? — e
Gewitter uff die ganz Darmſchtädter Brozeſſperhand-
lung! — Alſo widder uff die Eiſebahn un mit'm neek-
ſchte Zug nooch Heidlberg. — No, ſegt ſegt ſein Fraa,
wie'r heemkummt, du warſcht ſchnell fertig, du biſcht
jo ſchunn widder do! — Ja, ſegt'r, un ſchmeißt die
Vorladung uff de Diſch — ja, do bin ich widder, un
's ſcheenſchte is, daß ich gar nit fortgehn hätt brauche.
E Gewitter uff'n krumme Gerichtshooke — uff'n Een-
zer den ma for'n Zwetter anſehe kann! Awer wer is
ſchuld, wie du? Hätt ich mein Zwikker, den de mer
immer verleegſcht, g'hatt, wie die Vorladung kumme,
hätt ich den Elfter nit for'n Eenezwanziger ang'ſehe.
Du lehnſcht'n nochemool vun mer, wann die Schtadt-
bas kummt! Wer weeß, ob die G'ſchicht jetzt nit ſchunn
de Samſtag drinn ſchteht! Un heit in acht Dag haw ich
jetzt noch emool 's Vergniege am halwer Drei uffzu-
ſchtehn! Du kannſcht eweil die Budderbreedcher zum
Thee ſchmiere. Sei mer ſchtill! Loß mer Luft! Geh
mer aus d'r Vie hſionomie, un froog mich heit nix mehr,
ſunſcht wer ich zu'me Leobard! En halwe Dag beim
Deifl un doch geutzt! — Un ſo weiter — hott'r
g'ſchennt, Männer!

Un die Moral von der Geſchicht?
Gib Deiner Frau den Zwikker nicht!

Die Buchdruckerei von G. Geisendörfer
in Heidelberg (Schiffgaſſe 4)

empflehlt sich in allen in dieses Geschüft einschlagenden
Arbeiten, namentlich im Druck von Visiten-, Verlobunge. und
Adress-Karten, Rechnungen, Circularen ete. ote.

Dri.ck und Derlag von 8. Geiſendörfer.