148

worre. Do en Schoppe, dort en Schoppe! Es derf
eener mit de beſchte Grundſätz am Maimarkdienſchdag
iwer die Gaſſ gehn, er kummt in e Gewerr un bringt
en "Fremde" mit heem. - Ja, d'r indreſſantſchte
Mannemer Kerwedag is unſchtreitig d'r dritte, d'r
Maimarkdienſchdag! Wer zählt die hibſche pälzer Daame,
die am Dienſchdag widder in Mannem ware. Mit de
Chineeſedecklcher! Wann uns der Schlag Meedle Anno
70 vun de Franzoſe annexirt worre wär! Jch gäbt for's
ganze iwerige deitſche Reich ke drei Batze mehr! -
Un en gemiethlicher Dag bleibt der Maimarkdienſchdag
ſo naſf'r aach gewehnlich ausfallt. Wie vertraulich
geht d'r Menſch an dem Dag vorm Heidlberger Dhor
mit'm liewe Hornvieh um. So haw ich per Exempl e arg
"angeraacht" Beierle mit ſeim eingehandlte Echſele uff
d'r Schoſſee heemdrolle ſehe. Ach, ſo briederlich! Jch
hab ball nit mehr unnerſcheide kenne, ſiehrt d'r Bauer
de Ochs, odder fiehrt d'r Ochs de Bauer am Bendl heem.
Zwee Seele un en Gedanke! Zwee Herze un een
Schlag! Es war riehrend! - Um die Brämirung d'r
ſcheenſchte Hornviehcher haw ich mich deß Johr nit viel
bekimmert. Es werd zugange ſein, wie alle Johr. 's
ſcheenſchte, greeſchte Schtickl Vieh werd eewe ausgezei-
chent! Un ſo was loßt ſich e Vieh immer gern g'falle.
Un is deß Rindvieh noch ſo dumm,
Es henkt gern die Medallie um!
Das iſt's ja, was das Rindvieh ziehrt -
Drum wird ſo manches dekorirt!
D'r Glanzpunkt vum Mannemer Maimark war for
mich wenigſchtens en Viehhandl, dem ich ſchtillvergniegt
uff d'r Wiſſ zug'heert hab. Um e alti Kuh hott ſich's
g'handlt. - Was willſt de for die alt Kuh? froogt d'r
eene blooe Kittl de annere. - Wie heißt? Alt Kuh?
ſegt d'r beleidigte Handlsmann. Soll ſein dein Fraa
nit älter, kennt ſe ſchtehn noch als d'r ſcheene Galadee
im Schwetzinger Schloßgarte. - Mach ka Schtuß, ſegt
d'r anner widder. Was willſt de for d'r Kuh? - Zehn
Kallin! ſegt d'r Handlsmann. - Zehn Kallin? fangt
d'r anner an. Biſt de nit kloor im Kopp? Kriegſt de
vun mer acht Kallin. Sei en Mann. Mache Geſchäft!
- Haißt e Geſchäft? kreiſcht d'r Handlsman. Will ich
ſehe nit mehr geſund Fraa un Kinner, wann de krikſt
d'r Kuh en Groſche unner d'r zehn Kallin. Gibſt de
mer nein un e halb Kallin un d'r Kuh is dein! -
Nein Kallin, un ka Wort - biet jetzt d'r anner. -
Sollſt ſe hawe for nein Kallin un e Taſſ Kaffee, ſegt
d'r Handlsmann. Bitſch, batſch - abgemacht. - No,
un ſein Fraa un Kinner, die'r nit mehr g'ſund ſehe
will, wann'r die Kuh en Groſche unner d'r zehn Kal-
lin losſchlägt? froog ich'n. - Schoode, ſegt'r. Haw
ich gehatt mein Lebbdag ka Fraa un Kinner! - Kor-
zer Mannemer Maimarkbericht: Jch hab aus Allem
g'ſehe, daß die frehlich Palz noch immer frehltch is, un
ſchließ mit folgendem Verſl:
O frehlich Palz, mir lieb un dheier,
Dich bringt ke Krieg um un ke Schteier!
Du biſcht die alt, die luſchtig Palz,
Un b'haltſcht dein gute Zug am Hals!

D'r Nagglmaier.
D'r Pälzer Bott hott
ſich widder emool Guts
am Heidlberger Volks-
blättche gedhan. Anläß-
lich d'r Schimme-G'ſchicht,
die meiner Fraa zehn Dag
Zulag eingedrage, redd'r
vumme "Witzblatt ordi-
närſter Gattung". Ei,
ei! D'r Pälzer Bott als
moraliſcher Sitterichter,
Männer. Weiter breicht
ich eigendlich gar nix druff
zu ſage, um'n heemzu-
ſchicke. Awer es macht
mer Schbaß, unſerm
Schwarzkittlche hie un do
die Wohrheit zu ſage. D'r
Pälzer Bott un Anſchtand,
Männer! Gibts e or-
dinärer bollittiſch
Schwarzblättl als d'r
Pälzer Bott! Schtrotzt
nit jedi Nummer vun extra
ordinäre Angriff uff bollittiſche Perſeenlichteite, denne
d'r Pälzer Bott noch nit die Schuh wichſe derf. Wie
oft iſſ'r nit ſchunn vor de Scheffe g'ſchtanne un ganz
geheerig verknorrt worre, wege perſeenliche ordinäre
Anfechtunge. Ziehgt'r nit alle Dag Kaiſer un Reich
un alles, was nit zur jeſuittiſche ultramontane Sipp-
ſchaft g'heert in de Gaſſedreck. Dann erinner ich norr
an den Artikl, denn'r ſeiner Zeit gege de Geheimerath
Bluntſchli losgeloßt, un der'm e geheerigi Portion hin-
ner Schloß un Riggl eingedrage. Kann ma en allge-
mein geachtete wiſſenſchaftliche gebildete Mann ordi-
närer un gemeiner angreife, wie's d'r Pälzer Bott
gedhan hott! Un hott'r deß nit mit vollem Wiſſe,
gege wenn'r ſchreibt, gedhan. Nit ganz vorſätzlich!
Kann ma ordinärer ſein! Dagege mein Fraa! Was
hott ſe gedhan? Sie hott e G'ſchicht zum Beſchte gewe,
die nit vun ihr erfunne, ſondern hier do un dort ver-
zählt worre is. Daß hinner dem Schimme en alter
72jährige Handlsmann, en Familievater mit Fraa un
Kinner ſchteckt, dem ſe ſchaade kann, wann ſe die G'ſchicht
noochverzählt, iſſ'r nit im Draam eing'falle. Sie hott
die ganz G'ſchicht for'n Jux g'halte, den e paar Schbaß-
veggl uff'n fideele Werrthshausbruder mit'm Naame
"Schimme" ausgebreit, der ſich vielleicht gar nix draus
macht. Wie unſchuldig ſchteht alſo mein Fraa gege
de Pälzer Bott do, der immer weeß, mit wem'r's zu
dhun hott. Ordinär Witzblatt! Liewer Pälzer! Wer
unnerm ordinäre Gasdach wie du wohnt, der ſchmeiß
doch jo nit mit ordinäre Neckarkiſſl uff anner Leit
Dächer! - Awer vun was G'ſcheiderm zu redde,
Männer. Die Woch war ich uff Mannemer Maimark.
Die Mannemer Werrth dirfte iwer de Maimark zu-
friede geweßt ſein. Es is widder was zammegeleppert

Druck und Verlag von G. Geiſendörfer.