Heidelberger Volksblatt (7) (1874)

16

D'r Nagglmaier.
Unſer Reichsdagswahl ö
war ziemlich lebhaft un
hott beſonders gewiſſe
reichsdreie Gemither ſehr
erhitztl Sogar unſer ſchwarz
Jakoowl hott's zwee Dag
nooch d'r Wahl an d'r Zeit
g'funne, widder emool was
vun ſich heere zu loſſe. Er
rickt, wie'd'r geleſe habt,
am Montag unſerm Ower-
burgermeeſchter uff de Leibl
Ich glaab ſchwerlich, daß'r
e Antwort druff kricht!
Dann ihm un ſeiner Bar-
theei noochzuweiſe, daß ihr
Vatterlandslieb un Reichs-
drei nit weit her ſein kann,
un ihr Parol: „Rom“ is,
heeßt Eile nooch Athen
drage. Wie oft is deß
ſchunn bewiſſe worre, un;
ſie glaawes nit! — Unſer —
Reichsdagskanditat Fiſcher,
der ſich een Dag vor d'r Wahl ähnlich wie ſein G'ſfin-
nungsfreind Lindau ausloßt, un außerordentlich belei-
digt g'fiehlt, daß die Nationalliweraale nit viel vun ſeine
Liewesbetheierunge, die'r gemacht, halte, hott aah nix
ausgericht, ſondern is in unſerm Wahlkreis ganz ge-
heerig als Reichsdagskandidat durchgeblummst. Kurios
aah! Er ſegt am Schluß ſeiner Erklärung an die
Wähler! „Deutſchland muß frei ſein, ein Hort des
Friedens, der Wohlfahrt und chriſtlicher Geſinnung!“
„Deitſchland muß frei ſein!“ Gewiß! So frei wie
meeglich. So frei iſſ'es aah bereits. Bis zum ſociale
odder ultramontane Fauſchtrecht hawe mer's freilich noch
nit gebrocht, mit dem ſich e Jeder noch Beliewe die
Freiheit uff ſein Leib zuſchneide kann. Vun der Frei-
heit, mit der jeder Caplan ſein Dorf gege Regierung
un G'ſetz ung'ſchtrooft anfiehre kann, wolle mer awer
nix wiſſe. — „Ein Hort des Friedens! Soll's aah
ſein unſer Deitſchland. Gewiß. Wer is awer ſchuld,
daß'es ke Ruh im deitſche Reich gibt? Grad die ka-
tholiſch Volkspartei, for die d'r Herr Dokter Fiſcher
bleddirt, dem d'r Pabſcht iwerm Kaiſer ſchteht. Wo-
mit ma natierlich widder nit einverſchtanne ſein kennel
— „Der Wohlfaͤhrt und chriſtlichen Geſinnung!“ Ein-
verſchtanne! Aach uns intreſſirt die allgemein deitſch
Wohlfahrt, dann mir trage aah uuſer Haut zu Mark.
Mir trage awer jedenfalls, wann mer unſer Reich un-
nerſchtitze, mehr zur allgemeine Wohlfahrt bei, wie die
katholiſch Volksbartei, die alle Zeitungsheewl in Bewe-
gung ſetzt, unſer deitſch Reich aus Fuge un Angle zu
heewe! — „Chriſtliche Geſinnung!“ Die verehre mer
eewefalls. Norr ſuche ma unſer chriſtlichi G'ſinnung
nit 's ganz Johr in Händl mit Altkatholike un Pro-
teſchtande zu beweiſe, ſondern loſſe jeden nooch ſeiner

Faſſon ſeelig werre. Was die katholisch Voltsbantei

will, wolle mer alſo alles aah! Norr imme annere

Sinn! Es kummt alſo alles uff die Auslegung an.
— Unſer Wähler hawe alſo, wie Figura Wahlreſultat

beweißt, angenumme, daß die „Fiſcher“ trotzallem-
dem norr im Triebe fiſche! — Eeweſowenig Glick hott
d r Canditat Moſcht g'hatt, den unſer Socialdemokrate
vun Mainz nooch Heidlberg verſetzt.
Mooſcht ſcheint nit recht g'ſchmeckt zu hawe in unſerm
Wahlkrees. Vorderhand hawenen unſer Wähler wege

Der Meenzer

allzuſchtarkem Gähre noch nit nooch Berlin zum Ver-
ſuche g'ſchickt, ſondern im Keller ligge loſſe. — Dagege

ᷓ̃ebott unſer nationalliweralie Blum, trotz Schmerzens-

ſchrei d'r ultramontanen Gegefießler, vun de Wähler

die Kur der Art gemacht kricht, daß ſe ſich im deitſche

Reichsdag ſehe derf loſſe! — D'r Wahlkrambol wär
alſo verbei, un wann, wie bereits g'ſagt, unſer Jakoowl
nit nooch zwee Dag nooch d'r Wahl ſeim gekränkte deit-
ſche Herz Luft gemacht hätt, dhät vielleicht ke Menſch
mehr weiter davun redde. Vorderhand will ich unſere
Zeitungshändl emool ruhig zugucke, un mich for de
Fall d'r Verwundung uff d'r eene odder annere Seit
mit Blaſchter verſehe, um neethigefalls beeſe Meiler mit
zu ſchtoppe. For heit norr ſo viel, ihr Herrn fromme
Reichsritter! Eier Reichsdrei, um die'd'r eich ſo wehrt,
dirft bei richtiger Briefung mindeſchtens ſehr leicht be-
funne werre, dann an eierer Wagſchaal henkt d'r Je-
ſuitt, der ke Vatterland kennt! — Daß d'r Marſchall
Moltke in unſerm Wahlkreis eenſchtimmig gewählt
worre is, werd'r wiſſe, Männer! Es werd uff alle
Fäll jetzt for unſern Brodhannes in Lehme, der'n ge-
wählt hott, de Brodorden abſetze.
Um iwerigens heit in d'r Reichsdagswahl nit iwer
Nacht zu bleiwe, noch vun was annerm zu redde. E
Anfroog an unſern Schtadtrooth. Iſſ'es wohr, was mer
als ganz zuverläſſig mitgedheilt werd, daß der Blaſch-
tergeldpächter am Carlsdhor, der nooch d'r erſchte Ver-
ſchteegung ſein gebottenie Caution nit beibringe hott
kenne, jetzt, bei d'r zwette Verſchteegung, d'r Pacht
nochemool zug'ſchlage worre is, un zwar verzig
Gulde billiger wie vorher? Drotzdem'r de Schtadtrooth
ſo an d'r Naas rumg'fiehrt hott, daß am Neijohrsdag
die Schtell nit b'ſetzt war? D'r Kundraktbruch derf alſo
nochemool mitſchteege, un krichts zug'ſchlage, weil en
hieſiger zwee Gulde weniger gebotte! Mir Berger
bitte um Uffſchluß! Mir kenne's kaum glaawe! —
Unglaawlich klingts aach, wann ma een verzähle heert:
Es hätt Eener hier e „collective“ Wohlthat, die'm
bei'me unverſchuldete Maleer zu Dheel worre, in d'r
Zeitung vorg'ſchmiſſe kricht. Un doch iſſ'es ſo, wann
ma in die Zeitung guckt! Es handlt ſich um'en Zopp
den eener mit uff die Bihn gebrocht! Den Zopp hätt
der Herr freilich daheem loſſe kenne. Es war uns nit
anſchtändig! Noch viel unan ſchtändiger finn ich's awer,
wann ma Een bei ſo'ere Gelegeheit an e paar Batze
erinnert, die ma'm an's Krankebett gebrocht hott!
Merkts! ihr „Mehrere Abonnenten“.

Druck und Verlag von G. Geiſendörfer.