Heidelberger Volksblatt — 7.1874

Page: 72
DOI issue: DOI Page: Citation link: 
https://digi.ub.uni-heidelberg.de/diglit/hdvb1874/0072
License: Free access  - all rights reserved Use / Order
0.5
1 cm
facsimile
72

Die Nagglmaiern.

Geld! D'r erſchte is jetzt zum drittemool do, un
mein finfezwanzig Gulde ſchtehn halt noch immer in
"gute Händ", ſegt ſe, hott ſe g'ſagt, die Nochbarn,
wie ich ſe die Woch dran errinnert. Wer ſe verklage
muß, bin ich. Wer uff die erſcht Vorladung hin jetzt
alle Morge zu d'r Dachgaub raus vun d'r Nochbarn
alle ſiedige Gewitter uff de Buckl gewunſche kricht, bin
ich widder. Jch kennt ke Glick un ke Seege mehr
hawe, kreiſcht ſe. Jch wär e Halsabſchneidern, die die
Leit uff's Schtroh leege wollt! E Kanibal kennt nit
ärger mit ſeine Mitmenſche umgehn, wie ich! En le-
wendiger Blutiggl wär ich, der de Leit de letſchte Bluts-
droppe rauszuckle dhät. Vergift dhät ich g'heere! -
Un deß alles, weil ich mein Geld widder hawe will!
- Jch hab mer die G'ſchicht natierlich zur Warnung
diene loſſe un bei alle Heilige im Himml verſchwoore,
ke Geld mehr herzulehne, un wann's mein Schweſter
will. So krikſcht mit Niemand mehr Händl, denk ich.
Die Woch kloppt alſo mein Nochbarn vun d'r annere
Summerſeit bei mer an, un bitt mich eewefalls um
finfezwanzig Gulde. Norr uff verzehn Dag, ſegt ſe.
Sie hätt mehr wie fufzig Gulde for Arweit draus ſchtehn,
awer es wär aweil ſo ſchwer, Geld vun de Leit zu
kriche. - Ja, denk ich, die verzehn Dag kenn ich!
Du kummſcht an die Letz! Jch will nit widder alle
Knoche im Leib verflucht hawe for mein Gutmiethigkeit,
wann's ſchepp geht. - Jch ſag alſo: Liewe Nochbarn!
Jch hab ken Kreizer unner de Händ. Mir wolle gute
Freind bleiwe, awer ich kann nit, mit'm beſchte Wille
nit. Jch hab ke Geld! - Die beleidigt Mien hott
mer jetzt vun d'r Nochbarn ſehe miſſe. E G'ſicht hott
ſe gemacht - mit d'r Eel hätt mer's ausmeſſe kenne.
Un g'ſagt hott ſe, wie ſe die Dhierſchlink widder in
die Hand genumme hott: Fui Deifl, Nochbarn! Deß
hätt ich nit vun'r gedenkt! Mir wohne jetzt finfe-
zwanzig Johr neewenanner, un nit emool finfezwanzig,
Gulde Kredit? Sie haw ich jetzt kenne lerne! - Bumm,
war die Dhier zu, daß all mein Fenſchterſcheiwe ge-
wacklt hawe. - Jetzt froog ich, wie ſoll ma's mache,
wann ma ſich die Freindſchaft, die Geld braucht, er-
halte will, Leitcher? D'r erſchte Nochbaen haw ich gewe.
For deß werr ich jetzt, wann ich mich am Fenſchter
ſehe loß, e alti Hyän g'ſchennt, die die Leit zamt'm
Dodehemm ufffreſſe will! Warum? Weil ich mein her-
gelehnt Geld aach widder emool vun'r hawe will. -
D'r zwette Nochbarn haw ich, um d'r Feindſchaft, die
aus der Geldlehnerei entſchteht, auszuweiche, ke Geld
gewe. For deß kreiſcht ſe mer jetzt alle Morge aus d'r
Dachgaub zu: Wart Se norr, Sie alti Geldſchattull!
Wart ſe norr! Sie kricht noch Jhrn Lohn dafor! Jhr
werd d'r Geldſack, mit dem Se uns arme Deifl aus
d'r Noth hätt helfe kenne, noch uffg'ſchnitte werre.
Die Zeit kummt aach noch, ſegt mein Mann! Sie is
die erſcht, die an die Latern g'henkt werd. Un ſo weiter.
- So iſſ's mir gange, Leitcher! Die een will mich
vergifte, die anner will mich an die Latern henke. Drum
ſag ich:

Wie die beſcht
Freindſchaft
zumDeiflgeht,
Leitcher! Jhr
meegts mache,
wie d'r wollt,
wann die
Freindſchaft
Geld vun eich
will, is ſe per-
di! Jch hab's
uff zwee Arte
browirt. Jch
habgewe, un
hab nit gewe!
Es war Dutt-
memmſchoos!
Haw ich mich
nit anbumbe
loſſe, war ich
ſchunn vun
vornerein
als alti Gäſch-
tin verurtheilt
wie ich heere
hab miſſe -
die ihrn beſchte
Freind Hungers ſchterwe ſehe kann, die ke Herz un ke
Seel, ke Neekſchtelieb im Leib hott. Haw ich mich
anleime loſſe, haw ich hinnenooch Deifl's Dank kricht,
wie ich mein Geld widder hab hawe wolle. Zwee
Exempl vun Beiſchbielcher, Leitcher! Amme ſcheene
Dag kummt mein Nochbarn vun d'r eene Summerſeit
un heilt: Nochbarn, liewi Nochbarn! Sie muß mer
aus d'r Noth helfe! Es fehle mer norr noch finfe-
zwanzig Gulde am Hauszins, der morge fällig is. Jn
acht Dag is d'r erſchte, do nimmt mein Mann ſein
Monatsgaaſch ein, un Sie kricht alles widder bei Doppl
un Heller. Sei Se ſo gut. Jch dhu'r aach emool e
Freindſchaft! - Liewi Nochbarn, ſag ich, finfezwanzig
Gulde hinner meim Mann? Deß resgier ich nit!
Mein Mann is en guter Mann, awer wo die Lehne
anklobbt, heert die Gemiethlichkeit bei'em uff. Er hott
eewe ſchunn die bitterbeeſchte Erfahrunge mit d'r Freind-
ſchaft gemacht, der'r aus'm Schlamaſſl g'holfe. - Liewi
Nochbarn, fangt ſe widder an zu heile, ich dhu mer
en Dod an, wann Se mer nit hilft, ſiehch Se, do haw
ich ſchunn de Schtrick im Sack. - Ziehgt dann aach
werklich en Batzeſchtrick unnerm Unnerrock vor. Es hott
mer gegruſſlt! Jn Gottsnaame, denk ich, die will ich
nit uff'm Gewiſſe hawe, un gew'r die finfezwanzig
Gulde. - Alſo bis de erſchte krich mein Geld widder,
ſag ich. - Gewiß, ſegt ſe, un drickt mer die Hand.
Sie kann Gift druff nemme! - E wahr Glick, Leit-
cher, daß ich ke Gift druff genumme hab. Jch wär nit
mehr do. D'r erſchte is kumme, awer ke Geld!
D'r erſchte is nochemool kumme, awer noch ke

Wer Geld herlehnt, der hott ke Glick!
Dann is die Freindſchaft noch ſo dick,
Die Lehne bricht'r Hals und Knick!

Druck und Verlag von G. Geiſendörfer.
loading ...