Heidelberger Volksblatt — 7.1874

Page: 108
DOI issue: DOI Page: Citation link: 
https://digi.ub.uni-heidelberg.de/diglit/hdvb1874/0108
License: Free access  - all rights reserved Use / Order
0.5
1 cm
facsimile
108

d'r Mutter uff's Herz! Alſo Buff gege Buff! Un
drum muß ma eich 's Neijohr gleich vun vornerein
abgewinne, daß'd'r nit meent, ihr wärt's jetzt! Nix
ſeid'r! Noch gar nix ſeid'r, wann d'r zum Nachtmohl
gange ſeid! Jhr ſeid un bleibt vorderhand noch im-
mer junge Schneegänslcher, die Geld koſchte, wann ma
ſe anguckt. Un jetzt, wann'd'r ausgewachſe ſeid, erſcht
recht Geld! Eier Reck werre länger, eier Määge gre-
ßer, un eier Bickl breeter! So iſſ'es! Kleeder mißt'r
hawe, ſatt wollt'r aach ſein, un drum heeßt's jetzt mit-
arweiter! Alſo Morgens in die Kich, un Mittags an die
Huppskathrine - an die Nähnoodl, daß die Familie
Nagglmaier nit aus'm Gleichgewicht kummt. Verſchtanne?
Un ſich was zeige loſſe, heeßt's jetzt, un d'r Mut-
ter nit gleich 's vorlääfige Meilche anhenke, wann ſe
kummandirt. Jhr junge Kunfermanteblimmcher ſeid jetzt
die Soldate - die Rekrute, die in d'r Kich un uff'm
Nähſcheeml exeziere lerne miſſe; un die Mutter is d'r
alte Feldweewel, der ſchunn lang vergeſſe hott, was'd'r
erſcht noch lerne mißt! Un do heeßt's dann: Nit ge-
mukst, ſunſcht gibt's Schtuwearreſcht in de weiße Schbitze-
unnerheſſlcher, um die'd mer die Seel aus'm Leib uff
de Sunndag gequält hoſcht. Deß muß ma eich junge
Erſchtkumunikannte alles eweil vorausſage. Dann ma
kennt eich! Un eier Luftſchleſſer, die'd'r eich ſchunn mit
verzehn Johr macht, aach! Eeni ſchteckt die anner vun
eich an, un do braucht'r noch gar ke Licht dazu. Vor
die Werkdagsſchbaziergängcher, die'd'r aweil ſchunn mit-
nanner unner eich ausmacht, muß ma eich gleich vun
vornerein en Schlagbaam leege! Jhr ſeid noch lang ke
Moosrooſe, die unſer Herrgott ſix un fertig in de Garte
g'ſchtellt hott. Un noch lang ke Lillichblumme, die im
Feld ſchtehn, un nit zu ſääe un nit zu ſchbinne brauche,
un vun unſerm Herrgott doch ernährt werre! Jhr ſeid
noch e Null in d'r Schepfung Gottes, un uff eier
G'ſichtlcher habt'r eich noch gar nix einzubilde, un die
alt Nochbarn, die eich ſchunn vor dreizehn Johr 's
Schtrimmbl uff d'r Gaſſ nuffgebunne hott, braucht eich
noch lang nit zu Sieze! Die Boſſe habt'r nämlich
aweil aach gleich im Kopp ſchtecke wann'd'r en Dag aus
d'r Schul ſeid! Jch kenn eich all, wie mein ledderne
Sack im Unnerrock, der neineneinzigdauſend Mool lod-
derleer werd, bis ma eeni vun eich großgezoge un am
Ooſchterſuundag uff's Kunfermantetablettcheg'ſchtellt hott.
Anen! - Soodele, jetzt geh hin, ſegt dann mein Fraa
gewehnlich, wann die Breddig aus is, un loß dich kun-
fermire! Was d'r d'r Herr Parre de Sunndag breddigt,
werrſcht de vielleicht ball widder vergeſſe - was ich d'r
awer breddig, nit ſo leicht, dann ich werr die Breddig
alle Dag wiederhole, wann's ſein muß, un werr d'r
hie un do, wann's neethig is, aach alsemool eeni vun
denne, die nix koſchte, dazu auswiſche, un wann de mer
zwee Kepp iwer die Achſl guckſcht! Verſchtanne? - Un
jetzt ſeef mer nochemool die Berrſcht ein, un dreh dich
nit ſo langſam rum, wann ich dich was heeß, ſunſcht
hol ich d're Drotſchke! - Korz: e ſchtilleri Char-
woch is mer in meim Leewe noch nit arriwirt, Männer!

D'r Nagglmaier
Daß mein Fraa mit
d'r Breddig, die morge
d'r Herr Parre meim
Meedl halt, deß kunfer-
mirt werd, nit zufriede
is, ſondern viel deitlicher
geredd hawe will, merk
ich ſchunn die ganz Woch.
So oft ſe im heilige Ooſch-
terbutzeifer e Paus mächt
un de Lumpe ausdreht,
heer ich ſe dem arm Meedl,
deß neewerer ſchteht un
die Berrſcht einſeefe muß,
's Herz ſchwer mache.
Per Exempl: Deß ſag
ich d'r, Meedl! ſegt ſe.
Daß de nit meenſcht, die
jung Brinzeſſin Naggl-
maier wär ſchunn fix un
fertig, un hätt ausgelernt,
wann de de Sunndag aus
d'r Kerch kummſcht, un
de annere Dag nit mehr
in die Schul zu gehn brauchſcht! Jetzt gehts erſcht an
die Hauptſach! An die Nähnoodl, mein Herz! Jetzt
heeßt's uffgebaßt, un de Vor-, Neewe-, Hinner- un
Schteppſchtich ſchtuddirt! Un die Kreiznoth nit zu ver-
geſſe! Sunſcht kriſcht de mit mir dein Noth. Die
Gaſſehuppſerei hott jetzt e End! Die Schuhmachers-
rechnunge miſſe kleener werre. - Un daß die Butz-
macherinne mit de neiſchte chineeſiſche Hutmodellcher
iwer Frankfort aus Baris widder retur kumme
ſinn, brauchſcht mer gar nit mehr ſo oft aus d'r Zei-
tung vorzuleeſe! Du ſegſcht zwar immer, wann ich
dich froog, warum de mer alle Oowend den Kroom
vorleeſcht, du wollſcht dich norr im Leeſe iewe! Awer
ich kenn mein Leit! Boſſe, mein Herz! Lauter Boſſe,
die viel Geld koſchte! Verſchtanne? Wann'd'r emool
ſelwer ſo'n Bariſer Moodedeckl, die unſer Butzmache-
rinne jetzt widder ausſchtelle, verdiene kannſcht, kann
ich nix mehr dagege hawe, wann'd'n uffſetſcht. Dann
mit de erſchte paar Batze, die'd'r verdient, heert 's
mitterliche Regiment leider Gottes heitzudag bei eich
Meedle uff. Awer ſo lang's aus meim Beitl geht,
mein Liewi, werre die abgelegte Schawesdecklcher vun
deiner verheirathe Schweſter noch vor dich zurecht ge-
macht. Ja, ja! Du brauchſcht gar nit ſo die kleen
ſchbitz Naas, die ſchunn in die groß Welt gucke will,
uff die Seit zu ziehge, wann'd'r dein Mutter eweil
ſegt, wie viel Uhr als es is, wannn'd kunfermirt biſcht.
Wann eich d'r Herr Parre de Sunndag e Breddig
halt, derf eich die Mutter e paar Dag vorher aach eeni
halte! So eeni aus'm effeff raus, die'd'r deitlicher
verſchteht. Ohne biewliſche Bilder! Un zwar vun
Rechtswege! Dann ſo lang d'r kleen ſeid, dreet'r d'r
Mutter uff die Fieß, un wann'd'r greeßer werd, dreet'r

Druck und Verlag von G. Geiſendörfer.
loading ...