Heidelberger Volksblatt (9) (1876)

Eſſe hot'm nit gſchmeckt, unn's Bier nit un im Zehko
bot'r jeden Owend verlore, weil'r immer an die Eiſe-
bahnſchwelle ſchtatt an's Schpiel gedenkt hot.
Auower 's hot noch beſſer kumme ſolle.
'Swar d'r ſo 'e rechti grimmigi Winternacht, der
Herr Kummiſſär hot ſchunn lang im warme Bett gelege,
do ſchellts an d'r Dhier vun ſeiner Amtswohnung, die
in d'r Bollezei war, unn der Bollezeidiener, wo die
Nachtwach ghatt hot, meldem, alleweil wäre die Schwel-
ledieb eingeliffert worre.
O'r Herr Kummiſiär war zwar nit gern in ſeiner
Nachtruh gſchteert, wie'r awwer dess heert, ſchbringt'r
mit zwee Fihß aus 'm Bett raus, unn nix wie in die
Kleeder unn niwwer uff die Amtsſchtubb.
Richtig do waareſe. Zwee Bollezeidiener, een Nacht-
wächter unn drei Herre, die freilich nit ausgſehe hawwe

als ob ſe Eiſebahnſchwelle ſchtehle dheete — awwer's

corpus delicti mit demm ſe erwiſcht worre ſinn, hott
uff'm Diſch gelege, e richtige Eiſebahnſchwell, mit der ſe
in der Gegend vum Eiſebahnbau abgfange worre ſinn.
— Sodels, ſecht d'r Herr Kummiſſär, hamm'r Ihne
emool — — ö ö
— Bei Ihr'm verriſſene Kamiſol, fallt'm CEener
vunn denne Arreſchtante in's Wort.
— Ruhig, ſecht d'r Herr Kummiſſär. Müller!
Dinte unn Fedder zur Hand unn brotokollire ſe mool.
Wie heeße Sie?
— Fredro, Baron von Jochmann, ſecht d'r Erſchte.
Der Herr Kummiſſär hot ſchtillvergniegt gelacht unn
hot gedenkt: Jo, Baron! dess kenne m'r.
Der Zwette hott ſich als Freiherr Carl von Schil-
ling unn der Dritte gar als Graf Oskar vun Holm
deklarirt unn dann hawweſe alle drei ihr Viſittekahrte
abgewwe, unn hawwe gſacht, ſie wäre Schtudente hier,
unn wann Eener ſage dheet, ſie hette Eiſebahnſchwelle
gſchdohle, do wär deß Duſch unn fie verlangte Satisfaktion.

Ja, ſecht d'r Herr Kummiſſär, meine Herrn „Adliche“

(unn dess hovr ſo malitids betont), die ſolle ſe hawwe.
Damit m'r Ihne awwer nit durchgehne, do wolle m'r
Ihne emool vorderhand in's Loch ſchberre. Bringe ſe
mool die Herrn adliche Schwellebefitzer unn Schtudente
riwwer in's Kitiche, morge frih wolle m'r ihrn Adels-
brief e Biſſel näher anſehe.
Jetz ſinn die drei awwer wild worre.
d'r Graf, in's Kittche? Herr, ſinn Sie verrickt? M'r
hawwe uns legitimirt, die Schwell haww ich m'r for

mein Pridatvergnieche mache loſſe, nun m'r verbitte uns

ſo e Behandlung, gege die die ganz Schtudenteſchaft
Broteſcht einlege muß.

Mache loſſe? frogt der Herr Kummiſſär, e Schwell?

Ei, wofor dann?

Als Zahnſchtecher, als Briefbeſchwerer odder als

Schbazierſchtock, als wass ſe meinetwege wolle — aw-
wer do iss die quittirt Rechnung vumm Zimmermann
Bender, der ſe gemacht hot. Baar bezahlt, nit uff
Bumb!

Unn richtig holl'r auſſem Sack e Rechnung iwwer

Wass, ſecht

60⁰

e gelifferti Eiſebahnſchwell an de Herr Graf vun Holm.

Wie die d'r Herr Kummiſſär ſieht, do kummt 'm doch

e anneri Idee vunn der Sach — er guckt im Adreß-
buch nooch, die Adreſſe vunn denne Herrn ware aach
richtig angewwe — ihr feine Anzieg — die Ring unn
Uhre — korz, er hot doch eingſehe, daß'r geuhzt war,
unn hot ſe mit ſchtillem Grimm, awwer eißerlich heef-
lich entloſſe.
Jetz glaawe Sie vielleicht, die Gſchicht wär fertig

geweßt. Jo, do kenne ſe die Schtudente ſchlecht. —

Der Herr Kummiſſär hot grad widder e halwi Schtund
vielleicht gſchlofe, do raſſelts widder an ſeiner Schell.
Er raus, nun in aller Wuth riwwer in's Amtslocal.
Do ſchtehn richtig widder die drei Schtudente mit ihrer
Eiſebahnſchwell, un zwee annere Bollezeidiener mache die
Anzeig, wie ſe do denn glickliche Fang gemacht, unn die
lang geſuchte Schwelledeeb verwiſcht hawwe.
No, jetz kenne ſe ſich denn Zorn vum Herr Kum-
miſſär denke. Wass, ſechtr, meine Herren, laafe Sie
dann als noch mit ihr'm Schtick Holz uff d'r Gaſſ
rumm? Dess verbitt ich m'r. Gehe ſe heem —
ſunſcht — —
Was ſunſcht? fallt'm d'r Graf Holm in die Reed.
Mit wass vor' me Recht wolle Sie uns verbiete uff
d'r Gaſſ' rumzulaafe? Dess beweiſe Sie uns. Mir hott
mein Doktor die Nachtluft verordend unn wannich fried-
lich un gemithlich bis morge frieh ſchbaziere geh, do hot
mir dees keen Bollezei vunn d'r ganze Welt zu verbiete.
Do hott'r Recht g'hatt unn dess hot d'r Kummiſſär
bei all ſeiner Wuth aach eing'ſehe, hott all die Drei wid-
der laafe loſſe un hott ſich voll Gift un Gall widder
in ſein Bett gelegt.
Er hot nit gut getraamt, wie'r eingſchloofe war —
er hot awwer aach nit lang gſchloofe, dann ſo gege zwee
Uhr Morgens do reißt widder CEener an d'r Schell wie
verrickt, daß er vor Schrecke mit zwee Fihß auſſem Bett
rausſchbringt unn im Hemm an's Fenſchter laaft.
Wer ſchteht uff d'r Gaß? Zwee Nachtwächter unn
'n Bollezeidiener. Die hawwe richtig widder die drei
Schtudente mit ihrer Eiſebahnſchwell arretirt.
No, jetzt war awwer Alles aus. Jeſſes, hot der
err Kummiſſär gflucht und gedobt. ö
Die Herre hawwe aach gedhan, als ob ſe firchterlich
withend wäre, korz es war'n netter Schbektakel, bis d'r
Herr Kummiſſär d'r Gſchicht e End gemacht unn zu
dem Bollezeidier gſacht hott: Becker, jetz gehe ſe emool
hinner denne Herrn her, wohin ſe gehe, unn ſorge ſe
dafor, daß ſe nit mehr arretirt werre — Ihne mach ich
verantwortlich, daß 9 ſe Heih. wege Schwelledieb-
tahl nit mehr vorgfihrt krich.
10 wan do hobr 's Fenſchter zagſchmiſſe, daß die Scheiwe
gerappelt hawwe. Die drei Schtudente awwee hawwe
firchterlich gelacht, hawwe den Bollezeidiener noch e halwi
Schtund in d'r Kält ſchbaziere gfihrt unn ſinn heem-
gange. Jedenfalls hawwe ſe e beſſeri Nacht ghatt, wie
d'r Herr Kummiſſär, der Gift unn Gall iwer den Uhz
keen Aag mehr zugedhan hot. (M. Lat.)

Druck, Verlag und für die Redaction verantwortlich: G. Geiſendörfer.