Heidelberger Volksblatt (9) (1876)

D'r Nagglmaier.

Behiet uns Gott vor —
Weh un Ach, um vor dem
Maurer uff'm Dach! Ver-
zehn Dag e G'ſell un e
Schbeisbiewele im Haus,
is die deſcht Entfettungs-
kur, Männer! Ich garan-
teer eem for finfezwan-
zig Pund Schbeckverluſcht,
wann'r ſein Dach um-
decke lozt Ich kann e Lied
davun ſinge. Neilich kummt
mein Fraa vum Schbei-
cher un ſegt: Nagglmaier,
d'r Schbeicher is naſſ.
D'r Maurer muß uff's
Dach! Wann's ſo fort
reegent, verſaufe mer noch
in d'r Schtubb. — Un-
glickſeeliger Weis geht aach
grad en Maurermeeſchter =
am Fenſchter verbei Wer'm
kloppt un noochruft, is
mein Fraa. — Meeſchter, ſegt ſe, ſch
en G'ſell mit e paar neie Ziggl. Ich kann ohne Ka-
loſche nit mehr uff de Schbeicher gehn. — Mein Mengſch-
ter ſchtellt ſich uff die Mittegaß, bedracht mein Dach
un ſegt: Ja, wann's mit e Paar Ziagl ange nacht
wär. Deß Dach muß umgedeckt werre, Maͤdamm! Do
is jo alles kaputt. Un wie lang halt der Schornſchte
noch! Nix wie Niß! No, ich ſchick Ihne Jemand. —
Gott ſei Dank, ſegt mein Fraa, un macht 's Fenſchter
widder zu. D'r Maurer kummt uff's Dach! — Fraa,
ſag ich, ich weſch mein Händ in Unſchuld! Mit e paar

neie Schindle hätte ich demm neklſchte Schlagreege ſel-

wer widder de Weg in's Kandlrohr gezeigt. So viel
verſchteh ich aach vun dem Handwerk, wann's breſſtrt.
Awer deß Menſche Wille is ſein Himmelreich. Du
krikſcht de Maurer uff's Dach! — Ame ſcheene Morge
kummt alſo d'r G'ſell mit'm Schbeisbiewele angerickt,
ſchteckt im Hof die Peif an, un guckt ſich gemiethlich e
halb Schtund im Haus rum. Länger hott's mein Fraa

hinnerm Kichefenſchter nit ausg'halte. — Was ſucht'r

dann eigendlich? ruft ſe'm zu. — Ei deß Dach, deß ich

rebarire ſoll, ſegt d'r G'ſell, leat e nei Schtickl Zundl.
uff de Feierſchteen, un ſchteckt 's friſch g'ſchtobbte

Klebbche zum zwettemool an. — So? ſegt mein Fraa.
Un deß ſucht'r do hunne? Geh'r nuff uff de Schbei-
cher, un fang'r emool an, eh's Nacht werd. ö
ſein Daglohn berechent, verſchtanne? — Mein Gſell
geht alſo uff de Schbeicher un mein Biewele fangt im

Hof an's G'ſcherr auszupacke.

Leit g'ſchafft hawe, eh ſe zum Eſſe gehn. „Gleich druff
tammt ſe fdder vum Schbeicher un kreiſcht in mein
Werkſchtatt: Weeſcht was ſe ſchaffe? D'r G'ſell hockt

Ich krich

So gege Mittag, ſegt
mein Fraa: jetzt muß ich doch emool ſehe, was die

76

uff d'r Schbeicherdrepp un leest die „Schtadtbas“ un's
Biewele ſchteht am Dachfenſchterle un guckt uff die
Gaſſ, un peift die Gnadenarie aus'm Robert d'r Dei.
Ich hab ſchunn zum Meeſchter g'ſchickt, daß'r mer
zwee annere Leit de Mittag ſchickt. — Richtig! Noochm
Eſſe kumme zwee annere Leit. Ee neier G'ſell un e
nei Biewele! — So, ihr Leit, fangt mein Fraa an,
jetzt bringt ein, was die zwee Dagdieb, die ich uffm
Dach g'hatt, heit Morge verſeimt hawe. Es kummt mer
uff e Drinkgeld un uff e Schaal Kaffe am 4 Uhr nit
an. — Oeß Ding is gut. So gege viere Mittags ſegt
mein Fraa: Ich weeß d'r nit, do drowe is mer's ſo
ſchtill. Ich heer ke G'ſell uff'm Dach, ich ſeh ke Bie-

wele Schbeis nuffdrage — ich muß nrich emool uff de

Schbeicher ſchleiche. — Gleich druff kummt ſe widder
runner un doobt: Weeſcht was ſe ſchaffe for unſer Geld?
D'r G'ſell liggt uff meim alte Lumpeſack un ſchlooft,
un 's Biewele fitzt uff'm Schornſchte und lockt de Dauwe!
Die Lumpe muß e Gewitter aus'm Haus ſchlage. Gleich
ſchick ich zum Meeſchter, daß'r mer annere Leit ſchicktl
— De eannere Morge kummt d'r dritte G'ſell, mit'm
dritte Biewele. Es dauert aach nit lang, heer ich als-
emool uff'm Dach in de Hof nunner rufe; Biewele,
Schbeis! Biewele, die Kell! Biele de Beſſe! — Heerſcht?
ſegt mein Fraa. Deß heeß ich s'ſchafft! Die Leit ver-
diene ihr halb Moos Bier am zehn Uhr. Gott ſei Dank,
daß die annere Lumpe aus'm Haus ſinn. — Noochere
Weil fangt ſe awer widder an: Ich weeß d'r nit, es
werd widder ſo ſchrill dodrowe. Ma meent, die wäre aach
nit ſauwer. Ich muß widder emool in de Schtrimb die
Schbeicherdrepp nuffſchleiche. — Ball druff heer ich en
Mordsrandaal unnerm Dach. — Ihr Lumpe, ihr Dag-
dieb! heer ich mein Fraa kreiſche. Iſſ deſſ g'ſchafft?
Naus, aus meim Haus! Ich bring een um vun eich!
Un ſo weiter. — No, was iſſ dann ſchun widder loos?
ſag ich, wie ſe runner kummt. Die Leit ſcheine mer doch
recht fleißig am Dach zu decke. — Freilich decke ſe, kreiſcht
ſe. Awer nit mit Ziggle. Mit d'r Kart decke ſe. G'ſell un
Biewele haw ich beim „Sechſeſechzig“ verwiſcht. Drei leere
Krieglcher ſchtehn uff'm Schbeicher. Bränd am helle Morge
hawe ſe. — Un ſo iſſ d'r vierte, un d'r fünfte un d'r
ſechste G'ſell mit ſeim Biewele in's Haus kumme, Männer!
D'r letſchte war d'r Fleißigſchte! Den hott ma ſchnuppe
ſehe miſſe. Wie'r gemiethlich die Kell in de Schbeiskiwl
gelegt, wie'r im Hoſſeſack e vertl Schtund nooch d'r Dus
g'ſucht. Un dann: biſſ die Dus langſam uffgemacht war,
biſſ d'r Bries haus war, biſſ'r ge'ſchnuppt war, biſſ die
Dus widder zu un im Hoſſeſack war, un biſſ'r ſich end-
lich widder langſam, als hätt'r en Hereſchuß im Kreiz,
nooch d'r Kell gebickt hott. Ich hab emool die Uhr raus.
Es ſinn ſo grad zehn Minutte druff gange. Un dann
hott'r nochn Vorzuz g'hatt. Wann ich gemeent hab, er
hätt e Ziggl in d'r Hand, hott'r ſe alsemool widder hin-
gelegt un Mucke g'fange! — Un ſo war dann endlich
mein Dach umgedeckt un die Riß am Schornſchte widder
mit Schbeis zug'ſchmiert.

Druck, Verlag und für die Redaction verantwortlich: G. Geiſendörfer.