Heidelberger Volksblatt (5) (1872)

20

D'r Nagglmaier.
Heit hätte mer
mit'm Schteier d'r 4
Wohrheit iwer ver-
ſchiedene unvermeid-
liche Waſſerwerwl
un Schtromſchnelle
des alldägliche Lee-
wens zu kumme. Un
ich hoff, ohne drinn
ſchtecke zu bleiwe.
Per Exempl: Zur
Schteier d'r Wohr-
heit bin ich am 12.
dieſes for 6 Kreizer
Mahngebiehrheekſcht
zartfiehlend vum Herr
Schteiereinnemmer
an mein fällige
Schteier erinnert
worre, während erſcht
de annere Dag, alſo
am 13. Januar,
vum Herr Schteier-
einemmer im Blatt
bekannt gemacht wor-
re is, innerhalb 3
Dag mißt die Schteier
bezahlt ſein, widdri-

——
gens d'r Sechskreizerſchnapper heeflich bei jedem Rick-
ſchtändige, der nit leſe kann, ankloppe dhät. — Was war
zu mache, Männer! Iwer Machulle un en fällige Schteier-
zettl fiehrt ke annerer Weg, als zum Herr Schteiereinem-
mer, un loß de alte Nagglmaier in d'r Schteierliſcht wid-

der glatt mache. Bei der Gelegenheit konnt ich awer nit
umhin, mit'm Herr Schteiereinemmer folgend Zwiegeſchbräch
in Lieb un Giet anzuknipple. Sag Se emool, Herr
Schteiereinnemer, ſag ich, haw ich g'ſagt — wie is dann
deß Ding eigendlich? Am 13. Januar werd ma uffg'for-
dert im Blatt ſein Schteier zu bezahle, un am 12., alſo
en Dag vorher, kummt ſchun d'r Herr Sechskreizerſchnap-
per, un halt die Hand hin for die mindlich Ermahnung.
Iwerhaabt haw ich mein Schteierzettl erſcht gege End De-
zember kricht. Ma hott jo Anfangs nit emool mehr recht
Zeit, ſo'n Schteierzettl hinner de Schbiggl zu ſchtecke. —
Ja, ſegt'r, un lacht, Sie miſſe wiſſe, daß Se in d'r Vor-
ſchtadt wohne, un daß die Bekanntmachung: die Schteier
innerhalb 3 Dag zu bezahle, vum eſtliche Schtadtdheil aus-
gange is, un zwar vum Schteiererheewer Nummero J., un
der dhut eewe e biſſil langſamer mit de arme Leit, wäh-

rend dem ich, d'r Schteiereinnemmer Nummero II., do
haus in d'r Vorſchtadt druff gucke muß, daß die Schteier
frieher eingeht, ſunſcht geh ich ein, dann die Herrn in
Carlsruh drowe mache ke Schbaß, wo ſich's um Geldſache
handlt. Do heert iwerhaabt iweraal die Gemiethlichkeit
uff. Daß Se awer Ihrn Schteierzettl, ſegt'r, erſcht gege

End Dezember kricht hawe, kenne Se noch froh ſein, da nn
beinah hätte Se gar keen kricht — wollt ich ſage: kenne
Se froh ſein, ſunſcht wäre Se ſchun frieher for'n Sechſer
dran ermahnt worre, daß die Soldate Geld koſchte. Ver-
ſchtanne? — Jodanndoch, ſag ich. Deitlich genug. No,
ma redd mitnanner. Scheen wo Ordnung is, Herr Schteier-
einnemmer. Fell mich Ihne, winſch ich Ihne. Wann Se
widder was brauche. Ihr Dreier! ö
Zur fernere Schteier d'r Wohrheit, Männer, is wei-
ter zu berichte, daß der bekannte Ullerichbrozeß in Form
vunnere parfimirte Ehrekrankheit vorm Burgermeeſchter
beſſer ausgange, als ma geglaabt hott. D'r Herr Bur-
germeeſchter hott die Bartheie uff's verſehnlichſchte bekehrt
un ſe unner annerem belehrt, daß ſich d'r Menſch, wann
eewe emool e Breſſent an'en iwer gewe un vunn'em ab-
genumme wär, ſchließlich ergewe mißt. Deß dhät emool
ſo in d'r menſchliche Natur ligge, gege die ſich nit am-
kämpfe loſſe dhät. — Uff deß hawe ſich dann aah d'r
Dampfſattler un Parfimeriedokter widder verſehnt un ſinn
vom Roothhaus gleich in's Werrthshaus un hawe uff die
nei ſauwer Freindſchaft mitnanner ang'ſchtooße. Es ſoll
riehrend geweßt ſein. Zu beklage is norr, daß bei der
Gelegenheit d'rHeidelberg-Schtroßburger Feſchtungskumman-
dant Ullerich, der ſich iwergewe hott, wie'r gemerkt hott,
daß es nit mehr annerſcht geht, mit'm Wohlgeruchdokter
en edle Wettſchreit iwer die 21 Kreizer Klagkoſchte kricht
hott, die Jeder bezahle will, ſo daß mer aller Wahr-
ſcheinlichkeit nooch eme weitere Brozeß entgege zu ſehe
hawe. Wie ſich awer d'r Herr Burgermeeſchter dann
aus d'r G'ſchicht wickklt, kann ich mer nit denke. Dann
daß ſich zwee enanner verklage, weil Jeder bezahle will,
deß is noch nit do geweßt! — ö
Eeweſo am Blatz finn ich's, Männer, zur Schteier d'r
Wohrheit heit zum Beſchte zu gewe, daß ſich Se. Exel-
lenz Graf Bambelino widder g'ſund fiehle un zwar uff e
Radikalmitil hin, deß d'r Herr Dokter bei'm angewend.
Er hott'm nemlich, wie'r g'ſehe hott, daß an ſein Patient
Hoppe un Malz verlore, e Portion Hunnertguldekraut
eingewe, uff deß unſer hoher Kranke ſich ſofort vum
Schmerzenslager erhoowe un widder zum erſchte Schoppe
gange is. — Soſe Hunnertguldekräutche, Männer, is
eewe e Pill, die nit leicht ſauer uffſchtoßt, dann ſie hott
ſo viel Zuckerſchtoff, daß ſich Eener, der oft davun ein-
nimmt, 's ganze Leewe mit verſieße kann. Wiſſe meegt
ich iwerigens, wo in d'r Umgegend deß Hunnertguldekraut
wachst, dann ich wär im Schtand, e Portion davun ein-

zunemme, ohne krank zu ſein, norr um emool de G'ſchmack

davun zu kriche. E Präſervativmittl gege alle Machulle
des Leewens, ſo lang d'r Maage gut is. Der natierlich
derf ke Loch hawe, ſunſcht gut Nacht Hunnertguldekraut.
For de Dod is bekanntlich ke Kraut gewachſe!

Druck vo G. Mohr. — Verlag von G. Geiſendörfer.