Heidelberger Volksblatt (5) (1872)

Die Nagglmaiern.

Leegt eier
Dubbeskreizer
zamme, ihr
Weiwer! D'r
Herr Moritz
Müller aus
Porze in d'r
badiſch Kam-
mer muß en
goldene Lor-
beerkranz ha-
we. Ich leeg
mein Kopp nit
ruhig, bis die
Dankadreß fer-
tig is. Deß
is en Mann,
wie'r mer
g'fallt in d'r
Kammer. Der
weeß, wo uns
d'r Schuh
drickt, wann
d'r Schuhma-
cher die Noht
nit recht ver-
klebbt hott. x
Habt'r's dann aah geleſe, was'r in Carlsruh in eener
vun de letſchte Kammerſitzunge g'ſagt hott? Es wär gar
ke ſo groß Unglick, ſegt'r, hott'r g'ſagt, wann alsemool e
Frauenzimmer Sitz in d'r Kammer hätt! — Habt'r's
g'heert? Mir ſinn kammerfähig! Merſi, Herr Müller!
Bravo! Endlich doch emool eener vun denne ſogenannte
Herrn d'r Schepfung, der die Weiweremanzipation vor die
recht Schmidd bringt. In Bade muß d'r Anfang gemacht
werre. Bade war ſein Lebdag d'r Pionier d'r deitſche
Freiheit! — Ma kennt zwar einwenne, liewer Moritz, e
Fraa dhät nit fertig werre, wann ſe emool e Redd im
Schtändehaus drowe ang'fange hätt. Nooch meiner An-
ſicht gleicht der Zungefehler awer aus. Dann ſo viel ich
aus de Landdagsberichte ſchun g'ſehe, ſitze aah Männer
in d'r Kammer, die dret Dag brauche, biſſ ſe fertig ſinn,
wann ſe uffeme Brinzib rumredde. Mir hawe Exempl
vun Kammerredde, die ma mit d'r Eel ausmeſſe kann.
Abg'ſehe iwerigens vunn ſo'm lange Kammerbendl. Im-
mer beſſer zu viel, als gar nix geredd in d'r Kammer.
D'r Herr Moritz Müller hott doch wenigſchtens ſein Jung-
ferredd g'halte. Wo bleiwe die annere junge Herrn Ab-
geordnete mit d'r Antrittsroll? Wo bleibt per Exempl d'r
dritte Mannemer Abgeordnete mit ſeiner Jungfernredd,
der mit ſo'eme große Mannemer Krawall in die Kammer
g'ſchickt worre is? Ich heer un ſeh nir davun— Un do
macht ma ſich jetzt luſchtig iwer den Porzemer? Weil'r
for uns de Ritterhelm uffg'ſetzt? Beſſer wie eing'ſchloofe
in d'r Kammer! — Norr in eem Punkt, liewer Moritz,
bin ich noch nit ganz eenig mit mer in Bezug uff unſer

40

Kammeremanzipation. Es is bekanntlich d'r kitzlichſchte
Punkt bet unſerm hibſche G'ſchlecht. Wie alt, Herr
Müller? Wähle mer junge odder alte Weiwer inldie Kam-
mer, wann mer emool ſo weit ſinn? Mit de junge ſcheint
mer die Sach etwas bedenklich. Ma weeß, wie die junge
Meedle un Weiwer ſich oft ihr Emanzipation vorſchtelle.
In der Beziehung meegt ich's mit'm Abgeordnete Fiſcher
halte, der ſich vor de Sigarette un Kanoneſchtiffl fercht.
Es wär e verfluchti G'ſchicht, wann ame ſcheene Dag eeni
vun uns Auserwählte innere Kammerſitzung uffſchtehn un
ſage dhät: Meine Daame un Herrn! In Erwägung un
in Anbedracht, daß ſich die badiſch Kammer zum deitſche
Reichsdag norr noch wie e Muck zu'me Elephant verhalt,
ſchlag ich vor, beim neekſchte Carlsruher Bierfäſſl en all-
gemeine Salamander uff's neie deitſche Reich zu reiwve! —
Un dann, Herr Müller, was halte Se vun ſo'ere gemiſchte
Kammerſitzung, in der junge Meedle un Weiwer mit noch
im betſchte Alter ſtehende Volksverdreeter vum annere
G'ſchlecht ſitze dhjäte? Wo wär die neethig Uffmerkſam-
keit, wann d'r Herr Miniſchter die Anzeig macht, daß die
Heidlberger kinftig bei de badiſche Kreisgerichte 's Zugucke
hawe? Dann wer widderſcheht d'r Schmachtlock? Un
annerſeits: Wer eme hingedrehte Schnorrbart? Dhut un-
ner ſo Kammer-Verhältniſſe nit manch Mitglied
mehr gucke, wie heere? Sehr bedenklich, Herr Müller!
Dann gut Nacht Volkswohl! Sie merke alſo gewiß, uff
was ich naus will! G'ſetzte Weiwer, ſo zwiſche fufzig un
ſechzig, miſſe mer alſo wäͤhle, liewer Moritz, dann bringt
die Weiweremanzivation in d'r badiſch Kammer ihrn
Seege. Annerſcht nit. Mit eem Wort: Alte Weiwer
brauche mer in d'r Landesverdreetung. E Fraa zwiſche
fufzig un ſechzig hott Hoor uff d'r Zung. E Fraa zwi-
ſche fufzig un ſechzig loßt ſich nit mehr err mache, wed-
der durch e neit Moode, noch durch en alte Schoode. E
Fraa zwiſche fufzig un ſechzig is geleitert wie Baameel
un bringt ke Neewegedanke in die Kammer mit. G Fraa
zwiſche fufzig un ſechzig Johr drägt ke hoche Abſätz mehr
an de Schtifficher, ſondern ſchteht feſcht wie en alter Leicht-
dhorm am Salzwaſſer! — Mir Weiwer erwarte alſo iwer
den Punkt, iwer unſer zukinftig parlamentariſch geſetzlich
Alter erſcht e Broſcheier aus Porze, eh die Weiwer-
emanzipation in d'r badiſch Kammer zur Abſchtimmung
kummt. Dann norr ke Iwerſchterzung, Herr Müller!
Norr die recht Sort vun uns zu g'ſetzliche Volksverdreeterinne
erhoowe! E neii Zeitfroog, die ſo dief in die gewerflte
Unnerreck einſchneid, g'heert wohl erwoge. — Im Iwerige
ſein Se iwerzeigt, liewer Moritz, daß mir Weiwer for die
angeregt Emanzipation, ſie mag ausfalle wie ſe will, uff
alle Fäll Ihr Verehrerinne bleiwe. Sie ware d'r Erſchte,
der's gewaͤgt, der ſchtolze Männerwelt dodrowe for uns de
Handſchuh hinzuſchmeiſe. Wann'n jetzt die Herrn nit uff-
nemme wolle, ſolle ſe'n ligge loſſe. Nooch ihne vielleicht
e annert Männergeneration, die'n uffheebt. Rom is nit
an eem Dag gebaut worre.

Heil Dir im Siegeskranz
Müller vun Porze!

Druck von G. Mohr. — Verlag von G. Geiſendörfer.