Heidelberger Volksblatt — 5.1872

Page: 84
DOI issue: DOI Page: Citation link: 
https://digi.ub.uni-heidelberg.de/diglit/hdvb1872/0088
License: Free access  - all rights reserved Use / Order
0.5
1 cm
facsimile
84

G'ſchtalt vumme "Gründer" odder "Schbielpächter" rum-
gehn, der Bank halt? No, in dem Fall kenne mer uns
beruhige, Männer!" Die Bankhalter peife uff'm letſchte
Loch. Mit'm Johr 1872 geht die Herrlichkeit d'r Schbiel-
pächterg'ſchtalt zu End. Wann d'r Satan alſo allefalls
hinnerm Bankhalter in de deitſche Bäder ſchtickt, ſoll'r ſich
norr eweil um e anner Quartier umſehe. Vielleicht find'r
in d'r Muſchterrebublik Frankreich e Unnerkumme, wann
d'r alte Thiers emool abdankt. Odder vielleicht find'r in
d'r Muſchterrebublik Schweiz noch e Loch, in dem'r ſein
Reſidenz uffſchlage kann. Uns Korianner, Männer! Er
ſoll norr mache, daß'r aus'm deitſche Reich nauskummt!
Was mer iwerigens am mehrſchte Sorge macht, is die
die ferner unfehlbar Offebarung im heilige Vatter ſeiner
jingſchte Redd, noochder all diejenige, die ſich vun denne
drei Hauptfeind d'r menſchliche G'ſellſchaft, alſo vum Sa-
tan, d'r Welt, unn'm Fleeſch nit drenne kenne, emool bees
mitgenumme werre. D'r heilige Vatter ſegt nämlich am
Schluß:
"Wie dem auch ſei, wir wiſſen, daß der Herr, der
ſich ſelbſt durch ein ſo außerordentliches Leben bewähren
wollte, geſagt hat, er halte die Wurfſchaufel in der Hand,
welche die Spreu vom Waizen ſondert, und ſo wird man
den Tag ſehen, wo die Gottloſen, welche ſich ihrer Ruch-
loſigkeit rühmen, unter die Spreu geworfen werden, nicht
um vom Feuer verzehrt zu werden, ſondern um durch
die ganze Ewigkeit zu brennen!"
Deß is en ſchtarker idalieniſcher Duwack, Männer!
Merſi! Ewig brenne! Deß halte mer nit aus! Jwe-
rigens kann ich deß Ewigbrenne gar nit verſchtehn!
Es hott aach alles emool ſein End! Deß ang'ſchteckte
Baris hott doch aah emool uffg'heert zu brenne. D'r
Deifl in d'r Hell kann doch unmeeglich ſein Colleege d'r
Kumun, die's ang'ſchteckt hawe, iwerdreffe! Un dann -
woher ſollt dann d'r Deifl in d'r Hell all deß Petroleum
hernemme, mit dem'r uns widder net anſchtreiche mißt,
wann mer emool ewig brenne ſollte! Jch glaab's nit!
Vielleicht brenne mer emool gar nit. Bange mache jilt
nich, ſegt d'r Berliner, un ſoviel ich weeß, wohnt d'r
Reichskanzler aah in Berlin! Deß is aach eener vun
denne "Gottloſe", die nix mehr vun de Jeſuite, die de hei-
lige Vatter regtere, wiſſe wolle. Er hott's erſcht neilich
widder deitlich genug g'ſagt. Es hilft nix mehr, ihr Herrn.
D'r neie deitſche Kaiſer is eewe emool Proteſtant. Un
deß is d'r Hauptdorn in eierm Fleeſch! Der ſitzt feſcht.
Denn bringt'r nit mehr raus. Wann'r e paar Armee-
korps nooch Jtalie dirigtre un de heilige Vatter widder
uff de weltliche Dhron ſetze dhät, wär'er eich freilich recht!
Mit der Hoffnung, die die Herrn vum Klerus mit in de
deitſche Reichsdag gebrocht, dirfe ſe ſich nooch de neiſchte
Noochrichte vum breißiſche Schuluffſichtsg'ſetz ſchloofe lege.
Die Kerrſche im deitſche Reich ſinn for die heilig Schtadt
Room geſſe. Vorwärts is die Looſung Männer! Vor-
wärts iwer Lug un Drug! Vorwärts durch Nacht zum
Licht! Die Zeite kumme nit mehr, wo die deitſche Kaiſer
baarfuß nooch Room gehn un vorm heilige Vatter Buß
dhun. Jn denne deitſche Hoſſe, die mer aweil anhawe,
kumme ſe wenigſchtens nit mehr. Gut Nacht Rom!

D'r Nagglmater
Unſer drei greeſch-
te Hauptfeind kenne
mer jetzt, Männer!
Bis dato hawe mer
immer die Sozial-
demokrate dafor
g'halte. D'r heili-
ge Vatter in Room
belehrt uns awer
in'ere Redd, die'r
neilich eener reemi-
ſche Debutation ge-
geniwer g'halte, et-
nes andern. Die
drei Hauptfeind d'r
menſchliche G'ſell-
ſchaft ſinn: "Der
Satan, die Welt,
und das Fleiſch!"
- Unſer deitſche
Vegetarianer, die be-
kanntlich norr vun
Pflanze leewe, ken-
ne ſich was druff
einbilde, ihrn Verein
durch ſo e hohes
Mttglied, wie d'r
heilige Vatter, ver-
ſchtärkt zu ſehe. Dann wann d'r hellige Vatter "das
Fleiſch" unner annere Satänner for en Erzfeind d'r menſch-
liche G'ſellſchaft anſiehcht, is'r Vegetarianer worre, die
bekanntlich das Fleiſch eewefalls for die Urſach aller
menſchliche Krankheitserſcheinunge bedrachte. Die Ochſe,
die ſich noch immer in d'r menſchliche G'ſellſchaft rum-
dreiwe, hawe natierlich vun dem Bannfluch, der in's Fleeſch
g'fahre, befriedigend Notiz genumme. Dann wer annerſcht,
wie ſie, hawe bis dato ihr Haut fer uns Fleeſchfreſſer
zum Mark drage miſſe. Weniger befriedigt hab ich vun
dem neiſchte unfehlbare Ausſchbruch Vermerkung genumme,
dann offe g'ſchtanne, ich bin en großer Freind vun dem
Hauptfetnd d'r menſchliche G'ſellſchaft, nämlich vum
Fleeſch. Was geht iwer e gut ſaftig Beffſchteckche mit
Zwiwl! Was is e dinn Sippche, ohne e Ochſeaag-Fett!
Somit mißte alſo jetzt all Diejenige, die ſich nooch d'r
Ermahnung vum heilige Vatter vum Fleeſch, als em
Hauptfeind d'r menſchliche G'ſellſchaft, emanzibiere wolle,
lewendige Krautfreſſer werre! Jch danke! Jch weeß noch
nit, was ich dhu. Jch werr mich ſchwerlich dem unfehl-
bare geiſchtliche Ausſchbruch fiege, ſondern wahrſcheinlich
zu de Altkatholike iwergehe, die bekanntlich nix vun d'r
heilige Unfehlbarkeit wiſſe wolle. - Ferner ſchbricht d'r
heilige Vatter aah vum Satan, als Hauptfeind d'r
menſchliche G'ſellſchaft, der widder uff d'r Welt rumlaafe
ſoll! Alſo der is aah widder do? Wann ich den Kerl
norr emool zu ſehe krägt! Awer bis dato haw ich mer
umeſunſcht die Aage nooch'm ausgeguckt! Sollt dann der
Kujon am End gar maskirt ſein un vielleicht in d'r

Druck von G. Mohr. - Verlaa von G. Geiſendörfer.
loading ...