Heidelberger Volksblatt (5) (1872)

13 6

D'r Nagglmaier.
An meiner Fraa —
is nit alleen Hoppe
un Malz, ſondern
d'r ſcheenſchte Blum⸗—
meflor verlore! Um
ſe aus ihrer all-
dägliche Haushal-
tungsgedanke zu
bringe un widder
emool en Sinn for
die Poeſie des Lee-
wens im Reich d'r
gettliche Flora in
ihrm verknechlte Da-
ſein zu erwecke, lees
ich neilich zwee Eiſe-
bahnbilljette un fahr
mit'r nunner uff
Mannem zu d'r
Blummeaus-
ſchtellung! Deß Geld
hätt ich awer ſchbaa-
re kenne! Bedracht
hott ſe freiltch die
Ausſchtellung mit'm

greeſchte Indreſſe,
awer mit was for
poetiſche Gedanke =Æ=-

Die bitterſchte alldägliche Bemerrunge baw ich heere miſſe.
Schun gleich am Eingang, Männer! Dort ſchteht e bracht-
voll weiß Brautbukett! — Ja, ſegt ſe un ſchtellt die Händ
in die Seit — ja, ſo fangt ſe an, die Herrlichkeit! Ich
ſeh dich meiner Lebdag als ſchlanker Jingling im ſchwarze
Frack an unſerm Hochzeitsmorge mit ſo'me Brautbukett
die Schteeg zu mer ruffſchbringe. Nagglmaier! Du hoſcht
immer drei Dreppe mit eem Schbrung unner die Fieß ge-
numme, als ſollt ich d'r g'ſchtohle werre! E Johr druff
war awer d'r Hochzigdag ſchun bei d'r vergeſſe! — So?
Heit vor'me Johr ſinn mer kupplirt worre? hoſcht zu mer
g'ſagt, wie ich dich dran erinnert hab. Vumme Blumme-
ſchtreißl uff den Dag war natierlich ke Redd mehr. Sieſcht,
Nagglmater, deß kann ich d'r heit noch nit vergeſſe. Un
ſo ſeit'r all! — Awer ich bitt dich um Gotteswille, halt
mer doch jetzt do haus, in d'r Blummeausſchtellung, ke
Gardinebreddig! Die Leit bleiwe ſo ſchtehn! — Deß is
mer alleens, ſegt ſe. Leit hin, Leit her! Sage muß
ma's eich als emool, wann ma Gelegenheit hott. Deß
Brautbukett gibt mer zu denke! — Mit vieler Mieh bring
ich ſe jetzt e paar Schritt weiter, annen Diſch, uff dem
die brachtvollſchte abg'ſchnittene Roſe geleege ſinn, die ich
meiner Lebdag noch g'ſehe hab. No, benk ich, wann ſe
der Anblick in ke edleri Schtimmung mit'me dankbare
Blick uff die gietig Natur bringt, muß ſe Eſſig gedrunke
hawe. Aawermals entteiſcht, Männer! — Siehch, fangt
ſe an, ſiech, deß ſinn mir! Do ligge ſe, eier Opfer, die
d'r dauſend Mool 's Dags mit maſſive Reddensarte un
Antworte, wann ma eich was froogt, heemlich knickt, daß

ſe die Kepp henke un driwer noochdenke, was e leddig jung
Meedl am Roſeſchtock d'r Mutter, un e g'heirath Opfer-
lamm Gottes am Dorneſchtrauch d'r ehliche verſchbrochene
Glickſeligkeit is! — Meintwege, ſag ich, du ſollſcht Recht
hawe. Norr ſe Haus weiter, ſunſcht werd's Nacht, eh mer
aus d'r Ausſchtellung kumme. — Dir neekſchte Gegeſchtand
ihrer zärtliche Bedrachtung war e Aloe! E brächtig
Exemblar! No, denk ich, vun der Aloe kann ſe unmeeg-
lich widder uff mich kumme. Ich wißt wenigſchtens nit,
wo ſe anfange ſollt, dann ich ſeh noch ke Blumm dran.
— Jawohlche! Sorg eener for e Fraa, wann ſe beim
Baamwoollwickle ke End find. Sie reißt ſich eens. —
Siech, Nagglmaier, ſegt ſe, deß is e Aloe! Noch ohne
Blumme. Die Aloe blieht norr alle hunnert Johr. Do
hoſcht de e lewendig Bild d'r Männertrei! Eier Trei
is die Aloeblieth! Kummt norr alle hunnert Johr errool
im Leewe vor. Merk d'r's. So ſorgt die Natur for Bil-
der! — Aah den Schtich haw ich mer g'falle loſſe, Män-
ner! Was dhut ma nit, wann die Fraa poetiſch werd. —
Gleich druff ſinn mer anſe ſogenannt Dauſendguldeblimmche
kumme. Aha! fangt ſe an. Siech, deß is d'r wahre Ja-
kob! Bedracht d'r emool deß Dauſendguldekraut do, Naggl-
maier. Geht eich aah an, ihr Herrn d'r Schepfung! Do
drinn ſchtecke ſe, die Hochzigmuſikante! Deß is d'r Mang-
neet, um den ſich eier ganzi Galanterie vor d'r Hochzig
dreht. Ja, guck norr neewenaus. Du heeſcht mich viel-
leicht aah nit genumme, wann ich kee 300 Gulde uff d'r
Schbaarkaß g'hatt hätt. Ich kenn mein Leit! Weiter,
zärtlich Ehgattche! Weiter in d'r Blummeausſchtellung.
Ich find noch mehr Blimmcher, die ich d'r unner die Naas
halt. Riech norr dran un benies die Wohrheit. Helf d'r
Gott, mein Liewer! So was ſoll g'ſund ſein. — Gleich
druff fallt'rne groß Bukett mit brachtvolle Märzeveilcher
in die Aage, Männer! Es war en Schtaat! Un e Duft
— ich war im ſiwete Himml! Mein geliebti Ebhälft
hott mich awer ſehr ball widder runner gebrocht. Stebkſcht
de wie de biſcht? fangt ſe an. Du g'heerſcht aah zu denne
blodoe Märzeveilcher! Schaad, daß ich ke Schbiggi bei
mer hab! 's is norr een Unnerſchied. Die Veilcher in d'r
Blummeausſchtellung bliehe bekanntlich im Verborgene.
Eieri herngege braucht ma nit zu ſuche. Soe blooi Wein-
naas ſieht ma uff e vertl Schtund Weg weit. Jawolche!
Deß ſinn unſer Veilcher, wann emool die ſilwer Hochzig
g'fetert is. Blode Naaſe kriche mer, for die himmliſche
Roſe, die mer eich Männer, wie d'r Schiller ſo ſcheen ſegt,
in's irdiſche Leewe flechte. Fui Deifl! Schääm dich, Naggl-
maier! Bring den Summer, ſchtatt e Baadreis zu mache,
vier Woche uff d'r Zigglheiſer Naaſeblerch zu. Verſchtanne?
— Unner uns g'ſagt, Männer! Die bloo Naas hott
mich am ärgſchte g'fuchst. Wart, denk ich, wart! Ball
druff redd mich e Beierle an. Sag'r emool, ſegt'r. Hebbt'r
dann kaa Feldblumm ausg'ſchtellt? — Eeni, Vetter, ſag
ich. Norr eeni! Awer die is aah eenzig in ihrer Art! E
Klapperroos! — Wo? ſegt'r. Wo ſchteht ſe? — Ich hab
die Ehr mein Fraa vorzuſchtelle, ſag ich. Bedracht'r ſe.
Wann'r ſein Lebdag e ſcheener Exemplar uff ſeim Korn-—
äckerle g'funne, zahl ich dauſend Flaſche Schambannier!

Druck von G. Mohr. — Verlag von G. Geiſendörfer.