272

Die Nagglmarern.

un die alt Krämerſeel hott abfahre loſſe. - Jſſ'es
awer do e Wunner, Leitcher, wann ma alsemool in
die Woll un in e Hitz wie'n Kiehbauer kummt? Wär's
e Wunner, wann mir hier aah emool e Butterrevolu-
tion, wie in Wolfebittl, krägte? Uff'm Mark kricht
mer ball nix mehr for ſein ſchwer Geld, un wann ma
heemkummt, un 's Markbittſchee iwerſchritte hott, kann
ma noch die Brummlſupp vun de Männer zu ſeim
Markärger ausdunke. Ei ſo wollt ich doch, daß die
Welt am 12. Auguſcht eeweſomehr werklich unnergange
wär. So e Haushaltungsleewe haw ich ſatt bis am
Hals. D'r Deifl ſoll alſo denne Markwucherſeele die
Kerz halte, wann ſe ſo fortmache. Jch will's nit win-
ſche, awer e Garantie meegt ich nit dafor iwernemme,
daß mer hier nit emool e Markweiwerſunnefinſchterniß
ohne Weltunnergang erleewe, bei der alle Millichhäffe
un Wucherkerb exblodire!

Eu große
Geldbeitl, un
en kleene Henk-
korb mit ge-
numme, wann
d'ruff de Mark
geht, ihr Wei-
wer! Drau-
rig,awer wohr.
Alſo viel Geld
un wenig
Waar! Schee-
ni Gegend!
Wo ſoll deß
noch naus!
Un wem hawe
mer die Heidl-
berger Mark-
dheierung
hauptſächlich
zu verdanke?
Unſere Zwi-
ſchehändler!
Die Zwiſche-
händlerin is
unſer Krebs-
ſchade. Eshätt
neethig, ma geht aweil ſchun Morgens am finfe uff
de Mark, wann mer iwerhaabt norr aah was kriche
will, for ſein gut Geld! Um die Zeit ſchtehn ſe ſchun
do, unſer Groß- un Kleenhändler, wie die Blutver-
gießer, un faſſe die Bauersleit ab, wann ſe ihr Kerb
in die Markreih ſchtelle wolle. Wahre Rieſekerb un
Weſchziwer hawe ſe bei ſich, in denne ſe alles, was ſe
in die Kluppe kriche kenne, mit fortſchleppe, eh's recht
Dag werd. Un mir kenne dann hinnenooch zugucke
un d'r Katz die Hoor abkaafe. - E kleen Exemplche
vumme Beiſchbiel, Leitcher! Neilich ſchteh ich bei'me
Bauersmann uff'm Mark un will for e paar Batze Eier
kaafe. Jch biet'm alſo ſo un ſo viel. Kaum ausge-
redd, kreiſcht meim Bauer eeni vun denne Markwucher-
ſeele im Unnerrock in's Ohr, als wann'r daab wär:
Gew'r keeni mehr her! Deck'r Sein Korb zu! Jch
nemm die Eier all for deß Geld, deſſ'r die Madamm
gebotte hott! - No, der haw ich gewe, for's Zwiſche-
gebott! Sie ung'henkti alti Schbitzbiewin, ſag ich,
haw ich g'ſagt. Sie lewendigi Kreizſchbinn, die de
Leit 's Blut ausſauge will! Sie eenfältigi Schlappe-
grethl im Wucherunnerreckl! Was glaabt dann Sie!
Nit genug, daß d'r de Leit hinnerm Buckl alles weg-
ſchnappt - ihr wollt Unſereem aah noch die paar Eier,
die ma daheem braucht, unner d'r Naas wegnemme.
Eich muß e Gewitter verſchmeiße, dauſend Kloofter dief
unner de Kaiſerſchtuhl. - Korz: dere haw ich ihr
Fett gewe zu de Riehreier. - Was mich awer bei der
Markaffeer g'freet hott, war: daß mein Bauer ſein
Korb Eier nit zugedeckt, ſondern mir Recht gewe,

Gefährlich is de Lei zu wecke,
Verderblich is deß Tigers Zahn,
Jedoch der ſchrecklichſte d'r Schrecke
Deß is -
e Fraa, die en Markkorb am Arm hott, un nix mehr
kricht for ihr ſauer verdient Geld! - Heit war ich
zwar nit uff'm Mark, awer ich mach e Wett, daß's
Pindl Butter widder ſo un ſo viel mehr, wie am letſchte
Markdag gekoſcht! Warum? Morge hawe mer Kerche-
mer Kerwe! Do ſinn alſo gleih widder e paar Pund
weniger uff de Mark kumme, die de Ausſchlag gewe
miſſe! Jch kenn mein Mark! - Wer morge iweri-
gens nausgeht, braucht ke Bäddeker mitzunemme. Kerche
kann ma bekanntlich ohne Bäddeker finne. Dagege
meegt ich jedem roothe, der emool uff die Waldmichlbacher
Kerwe Luſcht kricht, ſo e Reishandbuch mitzunemme.
Zwee vun hier kenne e G'ſchicht vun Waldmichlbach ver-
zähle wann ſe wolle. For de Fall ſe nit wolle, will
ich die Kerweg'ſchicht zum Beſchte gewe. Noochdem un-
ſer zwee Heidlberger Waldmichlbacher Kerwegäſcht e
paar Schtund im Wald rumgeloffe, un alsemool uff'n
Baam g'ſchtigge, um die Waldmichlbacher Kerchedhorn-
ſchbitz zu entdecke, ſinn ſe dann endlich nooch - Doſ-
ſene kumme! Jn ihrm Millionskerwehunger - d'r
eene davun hott nämlich zwee Dag vor d'r Kerwe extra
nix mehr geſſe, um ſein lange Rippe orndlich mit Miſcht-
kräzerlin dabeziere zu kenne - hawe unſer zwee
Kerwewaldbrieder awer gar nit emool gemerkt, daß ſe
in Doſſene ware, ſondern ſinn im beſchte Waldmichl-
bacher Glaawe in's erſchte beſchte Werrthshaus. Dort
hawe ſe ſich erſcht ſage loſſe, daß Doſſene vorderhand
noch Doſſene un ke Waldmichlbach wär! - No, ſie
hawe ſich awer gleih zu helfe gewißt! Unſer zwee
Waldbrieder ſinn nämlich jetzt niwer uff die Ladeber-
ger Kerwe gange un hawe ſich dort for ihr ausg'ſchtan-
nene Kreiz- un Quergäng geheerig mit Drank un Wickl
entſchädigt! - Uff die Art alſo hott ſich d'r eene Ker-
webruder edelmiethig in ſein Schickſaal ergeewe, un
d'r annere de Mandl kriſchtlicher Geduld iwerg'henkt.
So ſinn ſe widder zufriede mit Gott un d'r Welt in
Heidlberg ankumme un hawe ſich mit dem Gedanke in's
Bett gelegt: d'r Menſch denkt, un d'r Weg uff Doſſene lenkt!

Druck und Verlag von G. Getſendörfer