Heidelberger Volksblatt (5) (1872)

15²

Die Nagglmaiern.

Uff de
Chriſchti-
himmlfahrts-
dag haw ich
mich revan-
ſchirt, Leitcher.
Mein Mann
war bekannt-
lich uff'm
Mannemer
Maimark
drunne, un
hott viel Och-
ſerei de anne-
re Dag zum 0
Beſchte hier
gewe. E ganz
Volksblättl MN
voll Viehche-
rei! Am Dun-
nerſchdag awer
haw ich en-
Ausflug nooch

N

EE

ner gemacht.
Worſcht wid-
der Worſcht. — — — — —
Un die Reis hott ſich rentirt, Leitcher! Was ware am
Chriſchtihimmlfahrtsdag alle Ausflieg in die Bergſchtroß,
gege mein Ausflug nooch Mannem un — Portugal! Im
Ernſcht! Ich war aah in Portugal! In Mannem hawe
ſe nämlich deß bekannt Jeſuitteſchtick: „Pombal“ im
Theater gewe, deß in Portugal ſchbielt un vun dem aweil
in alle Zeitunge die Redd is. Deß mißt'r ſehe, Leitcher!
Scheener habt'r noch ke G'ſellſchaft vun fromme Männer
Gottes beiſamme g'ſehe, als in dem Schtick. E ſauweri
G'ſellſchaft! Unſer fromme Männer aus d'r G'ſellſchaft
Jeſu! Alle Reſchbekt dafor. Die Dauwe hätte ſe nit
ſcheener zammedrage kenne. Daß gewiſſe frömme Herre
in d'r Brozeſſionsſchtadt Minche nix vun d'r Ufffiehrung
vun dem „Pombal“ wiſſe wolle, un alle Heewl dagege
in Bewegung ſetze, glaaw ich recht gern, dann wie die

Herrn Jeſuitte in dem Schtick g'ſchildert, ſo ſinn ſe noch

heit. Freilich kenne ſe heit nit mehr, wie ſe wolle,
awer dernderwege iſſ'es noch lang nit an d'r Zeit, de Kopp

wie de Voggl Schtrauß in die Feddere zu ſchtecke un zu

dhun, als wäre ſe nit mehr do, wie gewiſſe Herrn Bol-
lidiker dhun, die aus Brinzibb aah for Jeſuittefreiheit
ſchwärme, ſondern okondrolleer, die Hack muß aah jetzt
noch in die Hand genumme un „d'r Weg zum Heil d'r
Menſchheit“ mit ſauwer gemacht werre, uff denne ſich gege-
wärtig deß alte Unkraut widder batzig mache will! We-
nigſchtens bei uns im neie deitſche Reich derf der Saame
nit mehr uffkumme. In Neapel kenne ſe meintwege de
heilige Januarius noch uff d'r Gaß rumdrage un Blut
ſchwitze loſſe. Wann's'm die Neapolitaner glaawe, daß er

mit d'r Lichtbutzſcheer de Veſuv widder ausgemacht —
uns kann's recht ſein, Leitcher! Ceweſowenig ſchenire uns
die Franzoſe, die jetzt dem fromme Don Carlos ihr Geld

ſchicke, daß die alt Paffeherrlichkeit widder uff de ſchban-

niſche Dhron kummt, ſchtatt daß ſe dafor ſorge dhäte, daß
ſe die deitſch Einquartierung vum Buckl krägte. All un-
ſer Sorg, Leitcher! Norr uns ſoll die fromm Sippſchaft
vum Hals bleiwe, ſunſcht is in fufzig Johr widder die

ganz Welt ſchwarz ang'ſchtriche. —

Iwer Nacht bin ich in Mannem drunne natierlich nit
gebliwe, dann ich hätt nit gewißt wo? Uff de Maimark
war's wenigſchtens in Mannem ſo geruttlt voll in de Gaſcht-
heef, wie ich g'heert hab, daß ſich die Fremde iwer Nacht
in die Eiſebahnwägge reterirt hawe. Bei der Gelegenheit
is vier fideele Pälzer, die aah de Mannemer Maimark
b'ſucht hawe, e ganz verfluchti G'ſchicht baſſirt, die mer
mein alti Freindin, die alt Bittermaulin drunne, verzählt.
Am Maimarkdienſchdag, ſegt ſe, begegne mer Nachts am
Zwelfe noch vier Pälzer „vun iwigtem Rhein“ un klage
mer ihr Loſchienoth. Ke Bett mehr zu kriche, in ganz
Mannem, ſage ſe. Jetzt gehne mer emool naus an de
Bahnhof un ſehe, ob mer nit im Wartſaal iwer Nacht
bleiwe kenne. — No, was meent Se, Naaglmaiern, ver-
zählt die Bittermaulin weiter, was denne baſſirt is? D'r
Wartſaal war zu! Sie gehn alſo uff's Bahngeleis, mache
in d'r Verzweiflung de erſchte beſchte Zwettklaſſewagge uff,
der eewe draus ſchteht, leege ſich alle vier nein un ſchloofe
uff die viele vertl Litter, die ſe iwer de Maimark hier ge-
bloſe, wie die Herrgetter. Geſchtern krich ich en Brief vun
denne vier Pälzer, mit d'r Anzeig, ſie wäre glicklich in
Freiburg ankumme! Der Wagge, in dem ſe g'ſeſſe,
wär iwer Nacht, ohne daß ſe was davun gemerkt, als leer
dem neekſchte Zug in's Owerland ang'henkt worre, ſo daß
d'r Kundukteer nit gewißt hätt, daß Leit dodrinn widder
Wille die Reis mitmache. Jetzt gingte ſe awer eeweſomehr
gleih e paar Dag in die Schweiz, was ich ihre Weiwer,
wann ſe allefalls uft Mannem kämte, un nooch'n ſuche
dhäte, g'fälligſcht mitdheile ſollt! — RNo, ſegt die Bitter-
maulin, heit frieh ware die vier Pälzer Weiwer „vun
iwigtem Rhein“ werklich zu Mannem un hawe ihr Männer
wie die Schtecknoodle g'ſucht. Die een hott g'heilt, die
anner hott g'flucht, die dritt hott ſich an de Hoor g'hatt,
un die viert hott die Händ iwerm Kopp zammeg'ſchlage.
Wie ich dann zufällig ihr Bekanntſchaft gemacht, zeig ich'n
zum Dreoſcht den Viermännerbrief aus Freiburg! Was,
fange ſe jetzt all uff een Schlag an — was? Die Lumpe
hocke in d'r Schweiz? Denne reiſe mer nooch, ihr Wei-
wer! Naus an die Bahn g'ſchtermt, Billfetter geleest un
perr ware ſe, Nagglmaiern! Jetzt bin ich begierig, wie
te Reis ausgeht. Was meent Se, Nagglmaiern, ſegt ſe,
wie die vier pälzer Daame uff'm Rigi mit ihre Männer
zammedreffe! Deß gibt en Sunneuffgang, wie die ganz
Schweiz noch keen g'ſehe hott! — So Tumme in Mannem
drunne Schticklcher vor, Lelicher! Alle Dag was Reies.
Norr bei uns do, hinner Wind, bleibt immer alles beim
Alte. Es is oft zum Einſchloofe!

Druck von G. Mohr. — Verlag von G. Geiſen dörfer.