Heidelberger Volksblatt — 5.1872

Page: 160
DOI issue: DOI Page: Citation link: 
https://digi.ub.uni-heidelberg.de/diglit/hdvb1872/0164
License: Free access  - all rights reserved Use / Order
0.5
1 cm
facsimile
160

Die Stadtbas.

deß ſe de ganze Dag bis ſchbät in die Nacht for ume-
ſunſcht uffg'fiehrt kriche, läßt ſich denke. Ste ſinn ſchunn
jetzt driwer eenig, an unſer Meßkerwekummiſſion e Dank-
adreß for den Genuß abzuſchicke. Ganz in Ordnung!
Norr nit undankbar, Leitcher!
Ob ſich d'r heilig Vatter for die golde Dornekron
die'm e G'ſellſchaft frommer Franziskaner g'ſchickt, eewe-
falls ſchunn bedankt, weeß ich nit, Leitcher! So e Dor-
nekron vun Gold dhät ich mer iwerigens aah g'falle loſſe!
Weh kann ſe emool nit uff'm Kopp dhun. Okondrolleer!
So e Golddornekreenche uff'm owerſchte Gebälk, vun dem
ma alle Dag je nooch Bedirfniß e Derrnche abbreche un
in neie deitſche Reichsgoldſchticklcher umſchmelze kann, is
e ganz famos Drage. Dem mag iwerigens jetzt all ſein,
wie will - ſoviel weeß ich, daß die Dornekron vun
Demjenige, noochdem ſich unſer heilige Vätter Schtadthal-
ter nenne, nit vun Gold war. Die Dornekroon am Kreiz
war noch echt, Leitcher! Die hott noch weh gedhan. Un-
ſer Schtadthalter Chriſchti mache ſich's herngege beque-
mer. Wann denne Eener in de Weg kummt, do ſchmeiße
ſe'm heekſchtens e paar kräftige Flich in de Maage. Deß
is heitzudag die ganz Märtyrerſchaft d'r kriſchtliche Lieb
un Duldſamkeit. Dodermit is alles abgedhan! -
Abgedhan wäre aah hoffentlich die zwee ang'heiterte
Brofeſſer in Schtrooßburg, die in d'r b'ſoffene National-
wuth aus Verſehe de Grinder vun unſerm germaniſche
Muſeum in Nernberg gebrigglt hawe. Abgedhan! Deß
heeßt: Die g'heere als deitſche Univerſitätsbrofeſſore uff
die Sandwichs inſle verſetzt, um dort for ihr Lebdag
driwer noochzudenke, was en Bilder d'r Jugend for e
Beiſchbiel zu gewe hott. Daß iwerigens jetzt gewiſſe deit-
ſche Zeitunge mit unſere Erzfeind, de Franzoſe, aus eem
Horn blooſe, um mit der unglickſelige G'ſchicht jetzt die
ganz deitſch Nationalehr for ſein Lebdag blamirt anſehe,
kann ich grad nit einſehe, Leitcher! Wann die deitſch
Nationalehr norr uff zwee b'ſoffene Brofeſſer g'ſchtanne
war - dann freilich! En g'ſunder Menſcheverſtand werd awer
nit die ganz deitſch Nation, verzig Millione, for zwee Meckle-
burger Haſſlſchtockknoote verantwortlich mache wolle. Deß
kenne norr Leitſdhun, die Waſſer uff die reichsfeindlich Miehl
brauche, un ſo Leit, die noch immer nix vum neie deitſche
Reich wiſſe wolle, oft ſehr am g'ſunde Menſcheverſchtand
leide, un immer viel Schtroh un Hei uff de deitſche
Mark bringe, wiſſe mer jo. Wege denne zwee Schtrooß-
burger Brofeſſer hott alſo die ganz deitſch Nation noch
lang nit neethig, ihrn Kopp in Sack un Eſch zu ſchtecke!
Zur g'fällige Notiz ſowohl for die franzeeſche wie deitſche
Reichsfeind! - Jm deitſche Reichsdag ſinn ſe aweil aah
geheerig hinner unſere liewe ſchwarze Brieder vun d'r
G'ſellſchaft Jeſu. - Jeſu! Wie ſchaad for den "Naame!"
Es klingt wte Schbott un Hohn. Was hott unſer Kriſch-
tus am Kreiz gewollt un was wolle die Jeſuitte! Mir
wiſſes. Norr zu gut! Mir ſehe's alle Dag ohne Brill!
E Volk wolle ſe unner ſich hawe, ſo dumm wie meeg-
lich! Die Wiſſenſchaft als Domän norr vun ihne ge-
pacht! - No, ich verloß mich uff den mit de drei
Hoor uff'm Kopp im Reichsdag! Der, wo mit de Fran-
oſe fertig worre is, werd aah mit de ſchwarze Kutte fer-
e! Soviel weeß ich aweil ſchunn, Leitcher! Es werd
n deitſche Reichsdag awetl dafor g'ſorgt, daß die Schwarz-
orlze nit mehr bis in de Himml wachſe!

Soodele,
Leitcher! Un-
ſer Meßver-
gniege kann
los gehn. Es
ſcheint recht
nett hier zu
werre. An Se-
henswirdig-
keite is ke
Mangl. Merk-
werdig! Wann
aweil Eener
nix mehr ſchaf-
fe will, bettlt'r
ſich e paar
Latteſchticker
un e paar alte
Uffziehglumpe
zamme, geht
mit in die
Schtadt,
ſchlägt dort mit
uff'eme freie
Blätzl e Bar-
rak uff, ſchtellt
ſein Dulzinea
nein, un loßt ſie als "ſcheenſchte Daame" d'r Welt for
drei Batze ſehe. Diejenige junge Leitcher mit de babierene
Schtehkräge, die durch allerhand verlockende un geheimniß-
volle Andeitunge vun ſo'me Meßſehenswirdigkeitsgrinder
ſich in die Buddik verfiehre loſſe, kumme dann gewehn-
mit'eme recht piffige Lächle widder raus, als hätte ſe
Wunner was g'ſehe. Beim rechte Licht bedracht, kumme
ſe awer heekſchtens mit lange Naaſe un e paar Dummheite
widder retur, die'n die "beriehmt Wahrſagerin" gege e
Extradrinkgeld noch uffg'henkt! Deß ſinn die ganze Ge-
heimniſſe aus Baris, Leitcher! - Annere Bohneſimpl
ſchtelle ſich hin un verſchmeiße ihrn ganze Wochelohn mit
eiſerne Ring. Endlich drifft dann emool Eener ſo e Brod-
meſſer for'n Batze Werth un ſchteckts glicklich in de Sack,
als hätt'r 's große Loos gewunne. - D'r zwette ſchteht
neewe dran un verſchmeißt for e paar Gulde vun denne
runde Blech noocheme Schtickl Baamwollewaar. Nooch-
dem dann d'r Beitl leer un die Owerhoſſe verſchbielt
ſinn, gewinnt'r endlich e paar Unnerhoſſe! - D'r dritt
ſchtellt ſich an e Schießbuddik un verbufft ſein Kräämche
mit d'r Windbichs. Was hott'r gewunne, wann die Herr-
lichkeit e End hott? So un ſo viel Dopplpeife hott'r um
en Kopp kerzer gemacht! Deß is die ganz Schitzeehr. -
Vun de ſogenannte Reitſchule un Kindsmeedle mag ich
gar nit redde. Winſche dhät ich norr, es ſchtind manch
Madamche hinner ihrm Kindsmeedl mit'm weiße Scherzl,
die ſe mit ihre Kinner in die friſch Luft, naus, in die
Anlag, g'ſchickt. Kiehiethig werd oft ſo e Mamſell, bis
ſe mit ihrm halbjährige Kindche uff'm Arm uff'm holzene
Gaul ſitzt! Uff'n Puff kummt'r's bei der Gelegenheit
gar nit an. - Daß die bedreffende Meßſehenswirdig-
keite-Anwohner e b'ſonder Vergniege an dem Kunzert hawe,

Druck von G. Mohr. - Verlag von G. Geiſendörfer.
loading ...