Heidelberger Volksblatt — 4.1871

Page: 290
DOI issue: DOI Page: Citation link: 
https://digi.ub.uni-heidelberg.de/diglit/hdvb1871/0292
License: Public Domain Mark Use / Order
0.5
1 cm
facsimile
290

D'r Nagglmaier.

mein Fraa an meim Kleederſchank rumfuſchle. Uff
eenmo ſeh ich, wie ſe mein Hutſchachtl rausdhut. -
No, zum Deihenker, ſag ich, was dhutſch dann mit mei-
ner Hutſchachtl! Du verwechslt'ſcht glaaw ich im he-
ge Eiſer mein neii Hutſchachtl mit dener alte Hauwe-
ſhacht Halt dein Maul, ſegt ſe. Babbl nit ſo
dumm. Leeg dich in ke ungeleegte Eier. Jch weeß,
was ich wi. - Gleich druff geht ſe dann an's Nacht-
diſchl, nimmt en unausſchbrechliche zärtliche Gegeſchtand
vun orzlaan raus un ſchtellt'n in mein Hutſchachtl.
Soodele, ſegt ſe, deß brauch ich for's Kind. Scheener
tennt de G'ſchicht gar nit donein klappe. Der Hut-
ſchachtl ſiehchts jetzt ke Menſch an, was ſe bedeit. Norr
draktiſch. Weiter hat es keinen Zweck. - Un mit der
unausſchbrechliche Bekweemlichkeit in d'r Hutſchachtl is
mein Fraa aah glicklich am Bodeſee ankumme, wie ſe
mer ſchreibt. Es wär nix verbroche dran. Jwerigens
ſollt ich'r ball ſchreiwe, was es Neies hier gewe hätt.
Un wie mir's gingt! Wie ich die Haushaltung mit
de arme Kinner ohne ſie ſiehre dhät? Qb ich jetzt wißt,
was e Fraa wär! Jch hätt's jo doch manchmool nit
geglaadt, was e Fraa nit for alles zu ſorge hätt. Un
ich ſollt jo uff deß un uff ſell Acht gewe, un mich
hauptſächlich oowends bei Zeit ins Bett leege, deß
wär e Hauptſach for en Mann, der ke Fraa hätt! Bei
Zeit vun d'r Gaß weg! Un dann ſollt ich's Haus im-
mer gut ſchließe un mich for Dieb un Reiwer in Acht
nemme, dann ich wär jedenfalls unerſetzlich, wann ich'r
g'ſchrohle dhät werre. - Ob die letſcht Bemerkung
Ernſcht war, weeß ich nit, Männer! - No, korzi Luft-
verännerung - ich haw'r bereits en lange Brief
g'ſchriewe un haw'r hauptſächlich 's Maul mit unſere
Heidtberger magere Neiigkeite g'ſchtoppt. Per Exempl
haw ich'r g'ſchriewe: B'ſonders Neies geebt's zwar grad
nit, awer ſo viel kennt ich'r doch mittheile, daß unſer
Heidlberger Sänger am Sunndag all ausg'floge wäre.
Die een G'ſellſchaft wär in's Bammedhal g'falle, un
göttlich un zwar ſteingötterlich mit Bier à 4 Kreizer
d'r Schoppe, empfange worre. Die anner Barthie
herngege wär vun d'r Eiſebahn bis Nachts " 12 Uhr
dei 3- odder 4-Kreizerbier in Kerche ſitze geloßt worre.
Die erſcht Barthie hätt awer gedenkt: hawe mer am
Samsdag en Batze for's Bier bezahlt, deß nix weni-
ger wie ganz ſauwer war, kann ma heit uff de Sunn-
dag in Bammedhal aah emool en Batze ſor'n Schoppe
Gutes gewe. Die zwett Barthie herngege hätt ge
gedenkt: keine Roſe ohne Kerchemer Dorne! - Dann
haw ich meiner Fraa briehwarm g'ſchriwe: daß a
Sunndag e paar junge Schbringinsfeld auseme Werrths-
haus g'ſchmiſſe worre ſinn, ohne zu wiſſe, warum? Sie
hawe nämlich nit begreife kenne, daß ſo was noch un-
nerme neie deitſche Kaiſer vorkumme kann un ſich
uff die bekannt noowl Ritterlichkeit verloßt, die am
deitſche Kaiſernaame henkt. Um in d'r Sach kloor zu
werre, ob hier ke Mißverſchtändniß herrſcht, hawe ſe am
annere Dag noch emool em Heidlberger deitſche Kaiſer
en B'ſuch abg'ſchtatt, ſinn awer ſo ſchnell wie meeglich
noochemool nausg'ſchmiſſo worre. - Bleibt weg,
junge deitſche Kämpfer, ſag ich, haw ich g'ſagt,
G'ſcheidſcht gibt noch. - So viel for heit, Fraa. Adie!

Schtrohwittwer
bin ich, Männer,
Schtrohwittwer!
Seit acht Dag! Wer
deß G'fiehl kennt,
werd mein unaus-
leſchliche Dorſcht zu
wirdige wiſſe. Was
dhut ma nit, wann
ma nit weeß, wo
ma hin g'heert!
Wann d'r Mann ke
Fraa daheem hott,
kummt'r nit mehr
vun d'r Gaß. Sand
druff! - Alſo mein
Fraa hott den merk-
werdig g'ſcheide Ge-
danke kricht, mit
meim Neſchtgeweckl
zu'ere Baas an de
Bodeſee zu reiſe. E
Verännerung mißt
ſe hawe, ſegt ſe, hott
ſe g'ſagt - e Ver-
ännerung zu Waſ-
ſer, Land un Luft!
Sie dhät ſich 's
ganz Johr genug hier ärgere, ſie wollt aah emool wiſſe
daß ſe uff d'r Welt wär, un ſo weiter. - Jn Gotts-
name, ſag ich. Geh! Awer ſchtoß mer unnerwegs ke
Heilige um, ſunſcht kriſcht de Pälzer Bott an de Hals.
Jm Jwerige will ich vorher an die Baas in Jwerlinge
am Bodeſee telegrafire, daß ſe dich in Konſchtanz am
Bahnhof abhole kann, wann'd ankummſcht. - Jch ſchbring
alſo uff's Telegrafebiro hier, un geb 4 Uhr 10 Minute
Mittags e Debeſch nooch Jwerlinge uff, worin ich d'r
Bas anzeig, daß mei Fraa im Kopp hätt, am ſelwe
Dag Nachts am halwer Zwelfe hier abzureiſe. Sie
wißt alſo jetzt ſchun, wann ſe de annere Morge am
Konſchtanzer Bahnhof zu ſein hätt, un mein Fraa mit
Neſchtgeweckl in Empfang zu nemme. - Deß Ding is
gut. Mein Fraa reist ab, kummt in Konſchtanz an,
ſieht awer ke Jwerlinger Bas hinne, un ke Jwerlinger
Baas vorne am Bahnhof. - Jn Gottsname denkt ſe,
ich werr aah alleen nooch Jwerlinge kumme. Richtig!
Mein Fraa mit Kleenigkeit kummt glicklich in Jwerlinge
an, un gleichzeitig mit'r - mei Depeſch, die
ich ſchun Mittags am 4 Uhr 10 Minute hier uffgewe.
Ob mer alſo hier Mittags am 4 Uhr 10 Minute e De-
beſch uffgibt, odder Nachts am halwer Zwelfe ſelwer
abreist un die Neiigkeit mitnimmt, ſcheint ziemlich Ko-
rianner zu ſein! - So is mer's gange, ſchreibt mer
heit mei Fraa. Scheen wo Ordnung is. Kinftig kannſcht
dein Geld for die badiſch Telegrafie ſchbare. -
Jwerigens abg'ſehe vun d'r badiſche Schnelltele-
grafie - bei meiner Fraa ihrer Reisgelegenheit haw
ich widder emoo! g'ſehe, wie braktiſch die Weiwer, wann
ſe in d'r Noth ſinn. Vor d'r Abreis ſeh ich nämlich

Druck und Verlag von G. Geiſendörfer.
loading ...