Heidelberger Volksblatt — 4.1871

Page: 302
DOI issue: DOI Page: Citation link: 
https://digi.ub.uni-heidelberg.de/diglit/hdvb1871/0304
License: Public Domain Mark Use / Order
0.5
1 cm
facsimile
302

ſchreibt awer retur! Ja ,deß wär alles recht, es ginge
wohl, awer es geht nit un ſo weiter. Er dirft nit
fort, ſie mißte grad emool uff de Tod krank werre.
Dann gingt's vielleicht. - Wie der Brief daheem, in
d'r Heimath ankummt, werd jetzt gleich Familierooth
g'halte, wie ma de Baſchtian unner ſo kitzliche Um-
ſchtände emool uff e paar Dag heembringe kennt! -
Was kricht die Mutter for'n Gedanke? Alter, ſegt ſe
zu ihrm Mann, ich geh emool zu unſerm Dokter, der
ſchun ſo Manchem, der krank war, nit hott helfe kenne,
vielleicht kann'r emool eem helfe, der nit krank is.
Wie geredd, ſo gebabblt. G'ſagt, gethan. Mein Mut-
terle geht zum Dokter, drägt'm ihr Anligge, krank zu
werre, vor, un kricht aah gleich en gute Roth dazu
vum Herr Dokter. - Jetzt gehn Se heem, ſegt'r zum
Mutterle, un leege Se ſich in's Bett. Gleich druff
kumm ich un ſchtell Jhne en Krankeateſcht aus, un den
ſchicke Se dann Jhrm Baſchtian! - Deß dhut die Mut-
ter. Unnerdeß geht awer aah d'r Vatter, der vun d'r
Mutter ihrm Gang noch nix gewißt, aah zum Herr
Dokter un will'n for ſein Fraa hole. Wie'r in's Haus
geht, froogt'n d'r Hauseigendhimmer: No, was ſchaffe
dann Sie in meim Haus? - Ach, ſegt d'r Mann un
macht e bedriebt G'ſicht, ich will de Dokter hole, mein
Fraa is ſo krank. - Jhr Fraa krank, ſegt d'r Haus-
halter, ei die war jo noch vor'er halb Schtund friſch
un g'ſund im Haus! - Uff deß geht d'r Mann fort,
ſchittlt de Kopp un ſegt daheem zu ſeiner Fraa: Du,
die G'ſchicht is verrothe! Was mache? - Was mache?
ſegt die Fraa, ziehgt ſich aus, legt ſich in's Bett, un
fangt an unnerm Bettdeck zu ſchnaufe, daß ſe im
Schweiß wie gebaad liegt, wie d'r Dokter kummt. -
D'r Herr Dokter kummt aah ball druff, ſchtellt'r e
Zeigniß aus: liegt ſchwer krank danieder. Deß Zeigniß
werd fortg'ſchickt un de annere Dag werd d'r Baſchtian
fortgeloßt vun d'r Kordl, un eilt in die Arme ſeiner
hocherfreite Eltern, die ſich ſo gut zu helfe gewißt! So
geht Zeig in d'r Welt vor!

mand vorſchreiwe. Liewer wähl ich gar nit! Ezettera!
Wann ma vumme Urwähler ſo e Antwort kricht,
Männer, derf ma ſich nit groß wunnere. Die Sach
hott was for ſich. Mir is es aah unbegreiflich, daß
ma vun keener Bartheiſeit e Verſammlung hott aus-
g'ſchriewe in d'r Zeitung geleeſe. Unſereener is doch
grad kee Schtimmvieh, wie uff'm Land, wann die
Schwarzkittl e Wahl hawe, die ſe intreſſirt, deß ma an
de Herrner kricht un uff's Roothhaus mit'm gedruckte
Wahlzettl im Maul fiehrt! So billig gewe mer's in
d'r Schtadt noch nit. Die Männer, die in d'r Zei-
tung vorg'ſchlage worre ſinn, kenne uns ſchun recht
ſein, je noochdem ma e Anſicht vum neie deitſche Reich
hott. Awer ſo iwer Nacht eem uff die Naas oktoiirt,
g'falle ſe nit Jedem. Ma redd erſcht mitnanner, ihr
Herrn Vorſchtänd vun de Bartheie. Un dann ſiehcht
ſich die Sach ganz annerſcht an. Ma werd ſich die
flau Wahlbetheiligung for alle Zukunft, hoffentlich zur
Notiz nemme; dann ich kann keen annere Grund da-
for finne, als in d'r Bevormundung ohne Urwähler-
verſammlung. Jch keen die Schtimmung. Jch kumm
ſo ziemlich 's Dags iwer iweraal rum in d'r Schtadt,
un weeß, was ich weeß! Leewe, Bartheileewe, Oppoſ-
ſittion muß ſein, wo's nit flau un gleichgiltig werre
ſoll. Un deß fehlt bei d'r jetzige Wahl hier. Zur
g'fällige Notiz! - Es gibt freilich oft Vorfäll im Leewe,
die ma nit lang iwerleege un beſchbreche derf, wann
was Guts dabei rauskumme ſoll. Per Exempl: die
vorig Woch is in Rohrbach en Brand ausgebroche.
Voraus muß ich ſchicke, daß die Rohrbächer neilich,
wie ſe 's Großherzogsgeburtsſeſcht eingeleit, ihrn Glocke-
ſchwengl verbroche hawe. So arg hawe ſe druff loos
gebemblt. Natierlich hawe ſe gleich en neie dafor in
die Glock henke loſſe. Awer d'r Deifl weeß, wie's gange
is, wie die Rohrbächer alſo die vorig Woch Schturm
hawe leite wolle, hott deß Ooos vunnere Glock ke Ton
vun ſich gewe. Do war guter Rooth dheier, Männer!
Was mache? Wie de Rohrbächer un Umgegend anzeige,
daß Feier im Ort is un unner Umſchtände die ganz
Reſidenz abbrenne könnt? Do kricht uff eenmool zum
gute Glick d'r Bolizeidiener vum Ort en g'ſcheide Ge-
danke. Was dhut'r in d'r Noth: Er nimmt die erſcht
beſcht eiſe Schtang, die'r verwiſcht, krawlt mit'r uff de
Dhorn nuff, un ſchlägt mit dem neimoodiſche Glocke-
ſchwengl dem Oos vunnere Glock ball eens uff die
Summer- un ball eens uff die Winterſeit, daß ſe laut
anfangt Feierjo zu kreiſche. - Dem Bolizeidiener
g'heert'n Orden. Deß is en Gedanke! Schbaß ohne!
Uff den Gedanke wär nit Jeder kumme. Der Mann
hott d'r Gemaand in d'r heekſchte Roth zu helfe wiſſe.
Es gibt iwerigens noch mehr Leit, die ſich zu helfe
wiſſe, wann's aah grad nit brennt! Per Exempl:
Jch kenn Eener, der irgendwo e Schtell einnimmt,
Baſchtian heeßt'r. Der Baſchtian hott alſo hier
e Mutterle un e Vatterle, die'n gar ſo gern widder
emool g'ſehe hätte. Sie ſchreiwenem amme ſcheene Dag:
Baſchtian, b'ſuch uns. Wer weeß, wie lang mer noch
uff d'r Welt ſinn. Kumm! Mein armer Baſchtian

Ein Bauer ſtand vor ernem Briefkaſten
und klopfte an denſelben. Als man ihn fragte, wes-
halb er das thue, antwortete er: "Jck heff en Breef
mit twee un en half Groſchen rin ſmeeten, un krieg
enen Groſchen rut." Man fand auch richtig das Zwei-
groſchenſtück im Kaſten; von Briefmarken hatte der bie-
dere Landmanu noch nichts gehört.

Die Buohkruckere oo . Ceisendörfer

n eidelbeg (Schiffgaſſe 4)

empfiehlt sich in allen in dieses esehäft einschlagenden
Arbeiten, namentlieh im Druek von Visiten-, Verlobungs- und
dress-Karben, Rechnungen, Cirularen ete. ete.

Druck und Verlag von G. Geiſendörfer.
loading ...