148

D'r Nagglmaier.

Seit gedankt! - Jm Jwerige, norr druff, Herr
Parre! Je ärger, je beſſer. Es klärt ſich Alles mit
d'r Zeit - Gold un Schlacke. Die Welt is ſein Leb-
dag vorwärts gange, wann mer e paar hunnert Johr
hinner ſich guckt. Aach Sie, Herr Parre, werre die
reemiſch nei Unfehlbarkeit nit mehr aus'm Waſſer ziehge,
in deß ſe gleih noch ihrm erſchte Debit g'falle is. Was
ke Bodde hott, geht unner. Nemme Se ſich e Exempl
vumme Beiſchbiel dran. Loſſen Se die heilig Unfehl-
barkeit, wie's noch viel Jhrer Herrn College dhun,
fahre, un heewe Se ſich an de Weidebeem. So kumwe
Se weiter uff d'r Welt. Un wann Se mer en rechte
große G'falle dhun wolle, Herr Parre, do ſchmeißen
Se mer doch recht ball widder 's Heidlberger Volks-
blättl vun d'r Kanzl runner. Heer'n Se? Jch hab
bereits angedeit, warum? So was bringt Glick! Adies,
Herr Parre!

Unſerm pälzer
Bottche, deß die
vorig Woch die
Döllinger-Adreſſler
ſo arg in's Gebeet
genumme hott, is
jetzt, natierlich
bflichtſchuldigſcht,
aach noch die Kanzl
zu Hilf kumme. D'r
Herr Parre hott
am Sunndag in d'r
katholiſche Kerch
ganz geherrig los-
gezoge iwer die
Heide un Derke,
die ſich erlaawe, e
Adreſſ uffzulege, in
der ſe mit ein-
ſchtimme, daß die
reemiſch Unfehlbar-
keit en Unſinn is!
Wie kenne unſer
Bäcker un Schnei-
der, hott d'r Herr
Parre unſerm Päl-
zer Bottche nooch-
gebeet, en Ver-
ſchtehdermich vun Sache hawe, die ich ſelwer kaum
kapier. - Uff deß ehrlich G'ſchtändniß is dann na-
tierlich allſeitig gelacht worre. Wie deß d'r Herr Parre
awer bemerkt, iſſ'r erſcht recht in die reemiſch Hitz
kumme. - Ja, ſegt'r, hott'r g'ſagt, ich weeß wohl,
daß gar Mauche do ſinn, die iwer die heilig Unfehl-
barkeit lache, awer dernderwege werr ich mich nit ab-
halte loſſe, diejenige als Buwe zu bedrachte, die die
Adreſſ unnerſchriewe un eeweſo die als ſchlechte Katho-
like zu bezeichne, die Blätter halte, wie e Badiſchi
Landeszeitung odder gar e Heidlberger Volksblatt.
- Unſer Heidlberger Volksblätll ſcheint'm Herr Parre
demnooch noch ſchtärker im Maage zu ligge, wie unſer
pälzer Dunklmann vun d'r Druckerbreſſ; dann der
hott ſich bis dato doch wenigſchtens ſo viel Gewalt
andhun kenne, daß'r ke Notiz davun nimmt. Heeßt
deß: norr owedruff! Heemlich leest'ers, d'r Jeſuitt,
un ſchbeit Gift un Gall driwer aus. Ma merkts als
ganz deitlich, wann'r hie un do hinner de Kuliſſe e
Zeitungsannone gege 's Volksblättl dirigirt, zu der en
Annere de Naame hergewe muß. - D'r Herr Parre
machts alſo kerzer: er nennt ſein Kinner, die'm nit
heere, gleih beim Naame. Un for die Ehrlichkeit ſchbrech
ich em Herr Parre hiermit als männ licher Verdretter
deſſelwe mein diefſchtg'fiehlteſchte Dank aus, dann e
e G'ſchäitsreklaam, vun d'r Kanzl owerrunner g'ſchmiſſe,
is ihrn Batze werth! For den gewählte Ausdruck Buwe
werd Jhne, Herr Parre, vielleicht vun'ere annere

Um awer heit nit ganz in d'r heilig reemiſch lang-
weilige Unſehlbarkeit unnerzugehn, noch en rundſchauer-
liche Blick uff d'r Kart vun Eiroba. Aus Schbannie,
Männer, nit viel Neies, awer doch ſo viel, daß d'r
junge Keenig alle Oowend, wann'r ſich ſchloofe leegt,
zu ſeim Kammerdiener ſage ſoll: Wann ich heit Nacht
fortgejagt werr, do wecke Se mich doch. - Jn Jdalie
haoe ſe herngege widder emool e Verſchweerung ent-
deckt. - England ſo weit noch immer ruhig - deß
heeßt: ſo lang die eirobäiſch Bollitik nix an d'r Baam-
woll verderbt. - Dänemark hott ſchun e ſehr geraumi
Zeit die Maulſchberr. Die Krankheit hott, glaaw ich,
ſeit d'r Schlacht bei Wörth ihrn Anfang genumme. -
Rußland - ſehr zweiflhafte deitſche Freindſchaſtsergiß!
Derkei noch immer derkiſch. Frankreich - no, do heert
e jedi bollitiſchi Jwerſicht uff. Die Verſailler un Ba-
riſer Siegestelegramm ſinn wenigſchtens rein zum när-
riſch werre, wann ma ſe neeweenanner legt. Per
Exempl: Erſcht is des beriehmte Fort Jſſy in die Luft
g'ſchbrengt, dann iſſ'es eing'ſchterzt, dann iſſ'es ver-
lechert wie e Sieb un ganz breſchg'ſchoſſe, un ſchließlich
iſſ'es widder vun de Bariſer Jnſurgente b'ſetzt. - Jn-
zwiſche fahrt die Kumun ſort, de wahre Fortſchritt
nooch ihrer Anſicht in d'r Braris einzufiehre. Per
Exempl: Anleihe mache un Kupon abſchneide, is for die
Kumun bereits en ſehr iwerwundener Schtandpunkt.
Mit ſo'ere zoppige Birokratie gibt ſich die nei Bariſer
Weltordnung nit ob. Die Bariſer Kumun loßt ſich een-
fach vun Zeit zu Zeit vun d'r Oſtbahn 500,000 Franke
auszahle. Ob deß die bedreffend G'ſellſchaft als Zinſe
odder Dividende an ihr Actioneer verbucht, iſſ'r Worſcht.
D'r Naame macht'r nix zur Sach aus. So ſiecht's dort
aus. Un ſo langs dort ſo ausſiecht, kriche mer aah
nit unſer 5 Milliarde, un die Franzoſe kriche vun uns
ke Kriegsg fangene mehr Die letſchte große franzeeſche
Kriegsſchiff, die neilich in Hamburg widder e Portion
davun hawe einlade ſolle, ſinn wenigſchtens bereits wid-
der leer nooch Havre zurickkumme. No, de erſchte
Metzger sgang war s grad nit, den die franzeeſch
Flott in die Nordſee gemacht!

Druck und Verlag vou G. Geiſendörfer.